Numbers 7:1-89
-
Olketa offering for dedication blo tabernacle (1-89)
7 Lo day wea Moses finis for setimap tabernacle, hem anointim and mek holy lo tabernacle, and evri furniture and utensil blo hem, witim altar and evri utensil blo hem. Taem Moses anointim and mek holy lo olketa samting hia,
2 olketa leader blo Israel, wea olketa hed lo laen blo dadi blo olketa, givim wanfala offering. Olketa leader hia wea helpem Moses for duim registration
3 tekem kam lo Jehovah disfala offering blo olketa: sixfala wagon wea garem kava and 12-fala bull. Tufala leader givim wanfala wagon and each wan givim wanfala bull. Olketa tekem kam evri samting hia front lo tabernacle.
4 Jehovah sei lo Moses:
5 “Iu acceptim olketa samting hia from olketa bikos bae iufala iusim for karem olketa samting blo tent for meeting. And iu mas givim olketa samting hia lo olketa Levite fitim wanem olketa needim.”
6 So Moses acceptim olketa wagon and olketa buluka hia and givim evriting hia lo olketa Levite.
7 Hem givim tufala wagon and fofala bull lo olketa lo laen blo Gershon, fitim wanem olketa needim for duim waka blo olketa.
8 And hem givim fofala wagon and eitfala bull lo olketa lo laen blo Merari, fitim wanem olketa needim for duim waka blo olketa. Ithamar, son blo Aaron wea priest nao supervisor blo olketa.
9 Bat hem no givim eni samting lo olketa lo laen blo Kohath bikos waka blo olketa hem insaed lo datfala holy ples, and olketa bae karem olketa holy samting lo shoulder blo olketa.
10 Olketa leader givim nara offering blo olketa lo taem wea olketa dedicatem and anointim datfala altar. Taem olketa leader hia tekem kam olketa offering blo olketa front lo datfala altar,
11 Jehovah sei lo Moses: “Lo each day, each leader bae tekem kam offering blo hem for taem wea olketa dedicatem datfala altar.”
12 Lo first day, man wea tekem kam offering blo hem nao Nahshon, son blo Amminadab from tribe blo Judah.
13 Offering wea hem tekem kam hem wanfala silver dish wea weight blo hem 130 shekel,* wanfala silver bowl wea weight blo hem 70 shekel followim weight blo standard shekel blo datfala holy ples* and dish and bowl hia fulap witim best flour wea mix witim oil for grain offering,*
14 and wanfala gold kap* wea weight blo hem 10 shekel wea fulap lo incense.
15 And wanfala young bull, wanfala man sheepsheep, wanfala man sheepsheep wea no winim wan year old for burnt offering,*
16 wanfala young goat for sin offering,*
17 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering.* Evri samting hia hem offering blo Nahshon, son blo Amminadab.
18 Lo mek-tu day, Nethanel, son blo Zuar, wea hem leader lo tribe blo Issachar, tekem kam offering blo hem.
19 Offering wea hem tekem kam hem wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
20 and wanfala gold kap wea weight blo hem 10 shekel wea fulap lo incense.
21 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
22 wanfala young goat for sin offering,
23 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Nethanel, son blo Zuar.
24 Lo mek-thri day, Eliab, son blo Helon, wea hem leader lo tribe blo Zebulun,
25 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
26 and wanfala gold kap wea weight blo hem 10 shekel wea fulap lo incense.
27 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
28 wanfala young goat for sin offering,
29 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Eliab, son blo Helon.
30 Lo mek-foa day, Elizur, son blo Shedeur, wea hem leader lo tribe blo Reuben,
31 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
32 and wanfala gold kap wea weight blo hem 10 shekel wea fulap lo incense.
33 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
34 wanfala young goat for sin offering,
35 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Elizur, son blo Shedeur.
36 Lo mek-faev day, Shelumiel, son blo Zurishaddai, wea hem leader lo tribe blo Simeon,
37 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
38 and wanfala gold kap wea weight blo hem 10 shekel wea fulap lo incense.
39 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
40 wanfala young goat for sin offering,
41 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Shelumiel, son blo Zurishaddai.
42 Lo mek-six day, Eliasaph, son blo Deuel, wea hem leader lo tribe blo Gad,
43 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
44 and wanfala gold kap wea weight blo hem 10 shekel wea fulap lo incense.
45 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
46 wanfala young goat for sin offering,
47 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Eliasaph, son blo Deuel.
48 Lo mek-seven day, Elishama, son blo Ammihud, wea hem leader lo tribe blo Ephraim,
49 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
50 and wanfala gold kap wea weight blo hem 10 shekel wea fulap lo incense.
51 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
52 wanfala young goat for sin offering,
53 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Elishama, son blo Ammihud.
54 Lo mek-eit day, Gamaliel, son blo Pedahzur, wea hem leader lo tribe blo Manasseh,
55 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
56 and wanfala gold kap wea weight blo hem 10 shekel wea fulap lo incense.
57 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
58 wanfala young goat for sin offering,
59 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Gamaliel, son blo Pedahzur.
60 Lo mek-naen day, Abidan, son blo Gideoni, wea hem leader lo tribe blo Benjamin,
61 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
62 and wanfala gold kap wea weight blo hem 10 shekel wea fulap lo incense.
63 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
64 wanfala young goat for sin offering,
65 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Abidan, son blo Gideoni.
66 Lo mek-ten day, Ahiezer, son blo Ammishaddai, wea hem leader lo tribe blo Dan,
67 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
68 and wanfala gold kap wea weight blo hem 10 shekel wea fulap lo incense.
69 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
70 wanfala young goat for sin offering,
71 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Ahiezer, son blo Ammishaddai.
72 Lo mek-11 day, Pagiel, son blo Ochran, wea hem leader lo tribe blo Asher,
73 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
74 and wanfala gold kap wea weight blo hem 10 shekel wea fulap lo incense.
75 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
76 wanfala young goat for sin offering,
77 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Pagiel, son blo Ochran.
78 Lo mek-12 day, Ahira, son blo Enan, wea hem leader lo tribe blo Naphtali,
79 tekem kam offering blo hem. Hem tekem kam wanfala silver dish wea weight blo hem 130 shekel, wanfala silver bowl wea weight blo hem 70 shekel followim weight blo standard shekel blo datfala holy ples and dish and bowl hia fulap witim best flour wea mix witim oil for grain offering,
80 and wanfala gold kap wea weight blo hem 10 shekel wea fulap lo incense.
81 And wanfala young bull, wanfala man sheepsheep, and wanfala man sheepsheep wea no winim wan year old for burnt offering,
82 wanfala young goat for sin offering,
83 and tufala bull, faevfala man sheepsheep, faevfala man goat, and faevfala man sheepsheep wea wan year old for peace offering. Evri samting hia hem offering blo Ahira, son blo Enan.
84 Diswan nao offering wea olketa leader blo Israel givim lo taem wea olketa dedicatem and anointim datfala altar: 12-fala silver dish, 12-fala silver bowl, and 12-fala gold kap.
85 Weight blo each silver dish hem 130 shekel, and weight blo each bowl hem 70 shekel. So total weight blo evri dish and bowl hia hem 2,400 shekel, followim weight blo standard shekel blo datfala holy ples.
86 Weight blo each gold kap lo 12-fala gold kap wea fulap lo incense hem 10 shekel, followim weight blo standard shekel blo datfala holy ples. So total weight blo evri gold kap hia hem 120 shekel.
87 Evri animal for burnt offering hem 12-fala bull, 12-fala man sheepsheep, 12-fala man sheepsheep wea wan year old witim olketa grain offering blo olketa, and 12-fala young goat for sin offering.
88 And evri animal for peace offering hem 24-fala bull, 60-fala man sheepsheep, 60-fala man goat, and 60-fala man sheepsheep wea wan year old. Evri samting hia hem offering for dedicatem datfala altar bihaen olketa anointim.
89 Taem Moses go insaed lo tent for meeting for story witim God,* voice wea story witim hem kam from antap lo lid blo datfala ark blo Covenant.* God savve story kam lo hem between tufala cherub.
Olketa footnote
^ Wanfala shekel equals 11.4 g. Lukim App. B14.
^ Or, “followim datfala holy shekel.”
^ Lukim “Grain Offering” lo Dictionary.
^ Or, “smol bowl.”
^ Lukim “Burnt Offering” lo Dictionary.
^ Lukim “Sin Offering” lo Dictionary.
^ Or, “communion sakrifaes.” Lukim “Peace Offering” lo Dictionary.
^ Heb., “hem.”
^ Heb., “Testimony.”
