Proverbs 18:1-24
18 Man wea laek for stap seleva hem aftarem samting wea hemseleva laekem.Hem rejectim* wei for duim wise samting.
2 Stupid man hem no laek for lanem eni samting from olketa narawan.Hem laek for storyim nomoa tingting blo hemseleva.
3 Taem wanfala man duim wicked samting, pipol bae ting daonem hem,And taem wanfala man duim samting wea no showim respect, hem bae kasem shame.
4 Toktok wea kam from mouth blo man hem olsem olketa deep wata.
Source blo wisdom hem olsem wanfala springwata wea laef.
5 Hem nogud for saedem wicked manOr for no showim justice lo raeteous man.
6 Toktok blo stupid man hem lead go lo raoa,And mouth blo hem mekem nara pipol laek for killim hem.
7 Mouth blo stupid man nao spoelem hem,And lips blo hem olsem wanfala trap for laef* blo hem.
8 Olketa toktok blo man for spredim laea story for spoelem nem blo narawan hem olsem kaikai wea teist naes tumas.*Olketa kwiktaem swallom go daon insaed lo bele blo olketa.
9 Man wea lesy for duim waka blo hemHem olsem brata blo man wea spoelem evri samting.
10 Nem blo Jehovah hem wanfala strong taoa.
Raeteous man hem ran go insaed and kasem protection.*
11 Riches blo wanfala rich man hem olsem taon wea garem strongfala wall raonem.Lo tingting blo hemseleva olketa riches hia olsem wall wea protectim hem.
12 Man wea heart blo hem praod leadim hem for kasem trabol,And wei for hambol lead go for honor.
13 Samwan wea ansa bifor hem herem tru story,Hem karangge and hem bae kasem shame.
14 Man wea tingting blo hem strong savve helpem hem taem hem sik,Bat hu nao no savve givap taem hem discourage?
15 Heart blo man wea garem wei for minim samting hem kasem knowledge,And ear blo man wea wise hem lukaotem knowledge.
16 Present wea man givim hem openem road for hem.Hem mekem hem savve meetim important pipol.
17 First man for storyim case blo hem, hem here stret,Bat taem olketa narawan kwestinim* hem nao bae olketa savve lo tru story.
18 Wei for iusim olketa smol ston* for faendaot lo samting hem savve finisim raoaAnd stretem raoa between* tufala paoaful man.
19 Tingting blo wanfala brata wea feel nogud hem strong olsem taon wea garem strongfala wall raonem,And olketa raoa olsem olketa bar blo wanfala strong ples for haed.
20 Toktok wea man talem* hem olsem kaikai wea fulimap bele blo hem.Hem bae satisfae lo samting wea lips blo hem talem.
21 Dae and laef hem stap lo paoa blo tongue.Olketa wea toktok tumas mas acceptim samting wea kamaot from toktok blo olketa.
22 Man wea faendem gud waef hem faendem gud samting,And hem kasem hapi from* Jehovah.
23 Poor man hem begim rich man for helpem hem,Bat rich man hem tok strong lo hem.
24 Samfala pipol spoelem fren blo olketa,Bat wanfala fren hem stap wea hem lovem iu winim brata blo iu.
Olketa footnote
^ Or, “ting daonem.”
^ Or, “soul.”
^ Or, “olsem olketa samting wea man kwiktaem swallom.”
^ Heb., “hem stap lo hae ples.” Diswan minim no eniting savve kasem hem. Hem stap sef.
^ Or, “investigatem.”
^ Lo English hem sei “lots.” Lukim “Lots” lo Dictionary.
^ Heb., “separatem.”
^ Heb., “Toktok wea kamaot from mouth.”
^ Or, “fren gud witim.”
