Psalm 118:1-29
118 Talem thankiu lo Jehovah, bikos hem gud,Loyal love* blo hem stap for olowe.
2 Israel bae tok olsem:
“Loyal love blo hem stap for olowe.”
3 Olketa lo famili* blo Aaron bae tok olsem:
“Loyal love blo hem stap for olowe.”
4 Olketa wea fraet lo Jehovah bae tok olsem:
“Loyal love blo hem stap for olowe.”
5 Taem mi kasem trabol, mi kol lo Jah,*Jah ansarem mi and tekem mi go lo wanfala sef ples.*
6 Jehovah hem lo saed blo mi, bae mi no fraet.
Wat nao man bae duim lo mi?
7 Jehovah hem lo saed blo mi olsem man for helpem mi,*Bae mi lukim taem olketa wea heitim mi olketa lus.
8 Hem gud for go lo Jehovah for stap sefWinim for putim trust lo olketa man.
9 Hem gud for go lo Jehovah for stap sefWinim for putim trust lo olketa leader.
10 Evri nation olketa raonem mi,Bat lo nem blo Jehovah,Mi raosem olketa go.
11 Olketa raonem mi, yes, olketa barava raonem mi,Bat lo nem blo Jehovah,Mi raosem olketa go.
12 Olketa raonem mi olsem olketa honey bee,Bat olketa kwiktaem finis olsem fire wea bonem nila grass.
Lo nem blo Jehovah,Mi raosem olketa go.
13 Olketa pushim mi strong* mekem mi foldaon,Bat Jehovah helpem mi.
14 Jah nao hem sef ples blo mi and strong blo mi,And hem nao kamap man for sevem mi.
15 Saond blo hapi and wei for sevem manHem insaed lo olketa tent blo olketa wea raeteous.
Raet hand blo Jehovah hem showimaot paoa blo hem.
16 Raet hand blo Jehovah mekem hemseleva kamap hae,Raet hand blo Jehovah hem showimaot paoa blo hem.
17 Bae mi no dae, bat bae mi stap laef,Mekem mi savve talemaot olketa samting wea Jah hem duim.
18 Jah hem barava disciplinem mi,Bat hem no givim mi go for dae.
19 Openem olketa gate blo raeteous fasin for mi,Bae mi go insaed and praisem Jah.
20 Diswan nao hem gate blo Jehovah.
Raeteous man bae go thru lo hem.
21 Bae mi praisem iu bikos iu ansarem miAnd iu kamap man wea sevem mi.
22 Datfala ston wea olketa builder rejectimHem nao kamap datfala main kona ston.*
23 Diswan hem kam from Jehovah,Hem samting wea naes tumas lo eye blo iumi.
24 Hem day wea Jehovah nao markem,Iumi bae feel gud and hapi lo day hia.
25 Jehovah, mifala begim iu, plis sevem mifala!
Jehovah, plis mekem mifala winim faet!
26 Man wea kam lo nem blo Jehovah hem kasem blessing,From haos blo Jehovah, mifala blessim iu.
27 Jehovah nao hem God,Hem givim iumi laet.
Joinim datfala festival parade and holem olketa branch lo hand,Go kasem olketa horn blo altar.
28 Iu nao God blo mi, and bae mi praisem iu,God blo mi, bae mi mekhae lo iu.
29 Talem thankiu lo Jehovah, bikos hem gud,Loyal love blo hem stap for olowe.
Olketa footnote
^ Lukim “Loyal Love” lo Dictionary.
^ Heb., “haos.”
^ “Jah” hem short form lo nem blo Jehovah.
^ Or, “wanfala rum wea garem spes.”
^ Or maet, “witim olketa wea helpem mi.”
^ Or maet, “Iu pushim mi strong.”
^ Heb., “hed blo datfala kona.”
