Psalm 129:1-8
-
Kasem attak bat no winim hem
-
Pipol wea heitim Zion olketa shame (5)
-
Song blo Olketa wea Go Ap.
129 “Start taem mi young olketa enemy evritaem attakim mi,”
Israel mas tok olsem,
2 “Start taem mi young olketa enemy evritaem attakim mi,Bat olketa no winim mi.
3 Olketa man for hou olketa hou akros lo baksaed blo mi,Olketa bin mekem olketa row wea hem long.”
4 Bat Jehovah hem raeteous,Hem katem finis olketa rope blo wicked pipol.
5 Pipol bae mek shame lo olketa, and bikos olketa shame olketa bae go bak,Evriwan wea heitim Zion.
6 Olketa bae kamap olsem grass antap ruf blo olketa haosWea drae bifor olketa pullimaot,
7 Wea no savve fulap insaed hand blo man wea pullimaotOr lo arm blo man wea hipimap olketa bandol blo grass.
8 Olketa wea go pas bae no sei:
“Blessing blo Jehovah nao bae stap lo iu.Mifala blessim iu lo nem blo Jehovah.”
