Psalm 147:1-20
147 Praisem Jah!*
Hem barava gud for singsing for praisem* God blo iumi.Hem naes tumas and hem fitim for praisem hem!
2 Jehovah hem buildim Jerusalem.Hem tekem kam bak olketa blo Israel wea stap lo olketa difren ples.
3 Hem healim olketa wea heart blo olketa hem brek.Hem bandagem garekil blo olketa.
4 Hem kaontem namba blo olketa star.Hem givim nem lo evriwan lo olketa.
5 Lord blo iumi hem nambawan and garem bigfala paoa.Man no savve faendemaot evri savve blo hem.
6 Jehovah liftimap man wea hambol,Bat hem torowem lo graon man wea wicked.
7 Singsing for talem thankiu lo Jehovah.Iusim harp for singsing for praisem God blo iumi,
8 Lo Man wea kavarem skae witim olketa cloud,Man wea givim rain for earth,Man wea mekem grass for grow lo olketa maunten.
9 Hem givim kaikai lo olketa animal,Lo olketa young raven bird wea singaot for kaikai.
10 Hem no hapi lo paoa wea horse garem,Or kea lo strong leg wea olketa man garem.
11 Jehovah hem hapi lo olketa wea fraet lo hem,Lo olketa wea weit for loyal love* blo hem.
12 Givim glory lo Jehovah, O Jerusalem.
Praisem God blo iu, O Zion.
13 Hem mekem olketa bar lo olketa gate lo taon blo iu strong.Hem blessim olketa son blo iu wea stap lo iu.
14 Hem putim peace for stap lo territory blo iu.Hem givim best* wheat for mekem iu satisfae.
15 Hem sendem aot komand blo hem lo earth,Toktok blo hem go kwiktaem.
16 Hem givim snow olsem wool.Hem spredim olobaot snow* olsem asis.
17 Hem torowem daon olketa hail ston* blo hem olsem olketa sismol pis bred.
Hu nao fit for standap lo cold blo hem?
18 Hem givimaot toktok blo hem, and olketa melt.
Hem mekem wind blo hem blow, and olketa wata ran nao.
19 Hem talemaot toktok blo hem lo Jacob,Olketa rul and olketa judicial disison* blo hem lo Israel.
20 Hem no bin duim olsem lo eni nara nation.Olketa no savve abaotem olketa judicial disison blo hem.
Praisem Jah!*
Olketa footnote
^ Or, “Hallelujah!” “Jah” hem short form lo nem blo Jehovah.
^ Or, “pleim music for.”
^ Lukim “Loyal Love” lo Dictionary.
^ Heb., “gris blo.”
^ Or, “ice.”
^ Or, “ice.”
^ Lukim “Judicial Disison” lo Dictionary.
^ Or, “Hallelujah!” “Jah” hem short form lo nem blo Jehovah.
