Psalm 24:1-10
-
Datfala nambawan King kam insaed olketa gate
-
‘Earth hem blo Jehovah’ (1)
-
Blo David. Wanfala singsing.
24 Earth and evri samting wea stap insaed hem blo Jehovah,And datfala gud land witim evriwan wea stap insaed, hem blo hem tu.
2 Bikos hem putim strong datfala land antap lo seaAnd strongim land hia antap lo olketa river.
3 Hu nao fit for go ap lo maunten blo Jehovah,And hu nao fit for standap lo holy ples blo hem?
4 Eniwan wea no duim eni nogud samting, and heart blo hem klin,Wea no talem false promis* lo nem blo Mi,*Or wea no talem laea promis.
5 Hem bae kasem olketa blessing from JehovahAnd raeteous fasin* from God blo hem wea sevem hem.
6 Diswan nao hem genereson blo olketa wea lukaotem hem,Olketa wea lukaotem iu for hapi lo olketa, O God blo Jacob. (Selah)
7 Iufala olketa gate, liftimap hed blo iufala.Olketa entrance blo bifor, iufala open,*Mekem datfala nambawan King savve kam insaed!
8 Hu nao disfala nambawan King?
Hem Jehovah, wea strong and garem bigfala paoa,Hem Jehovah, strong man for faet.
9 Iufala olketa gate, liftimap hed blo iufala.Olketa entrance blo bifor, iufala open,Mekem datfala nambawan King savve kam insaed!
10 Disfala nambawan King, hu nao hem?
Hem Jehovah, komanda blo olketa army, hem nao datfala nambawan King. (Selah)
Olketa footnote
^ Heb., “oath.” Lukim “Oath” lo Dictionary.
^ Or, “soul blo Mi,” hem minim laef blo Jehovah, wea man iusim for talem promis.
^ Or, “justice.”
^ Or, “getap.”
