Psalm 28:1-9
-
God herem prea blo man wea raetem psalm
-
‘Jehovah, hem strong and shield blo mi’ (7)
-
Blo David.
28 Mi gohed for singaot go lo iu, O Jehovah, Rock blo mi.No satem ear blo iu from mi.
Sapos iu no talem eniting lo mi,Bae mi kamap olsem nao olketa wea go daon lo hol.*
2 Herem prea blo mi taem mi krae go lo iu for helpTaem mi liftimap hand blo mi go for datfala barava rum insaed lo holy ples blo iu.
3 No pullim mi go witim pipol wea wicked, witim olketa wea gohed duim nogud samting,Olketa wea story kaen lo fren blo olketa, bat nogud samting nao insaed heart blo olketa.
4 Judgem olketa lo wanem olketa duim,Followim nao olketa nogud samting wea olketa duim.
Samting wea hand blo olketa duim, iu changem bak lo olketa,Followim nao wanem olketa bin duim.
5 Bikos olketa nating interest lo olketa samting wea Jehovah duim,Or olketa waka wea hand blo hem duim.
Hem bae daonem olketa, and no standapim olketa.
6 Bae Jehovah nao kasem praise,Bikos hem herem prea blo mi for help.
7 Jehovah nao hem strong blo mi and shield blo mi.Mi trustim hem lo full heart blo mi.
Mi kasem help from hem, and mi* barava hapi,So bae mi singsing for praisem hem.
8 Jehovah nao Man wea givim strong lo pipol blo hem.Hem nao strongfala sef ples, for sevem anointed wan blo hem.
9 Sevem pipol blo iu, and blessim inheritance blo iu.
Lukaftarem olketa, and karem olketa lo arm blo iu for olowe.
