Psalm 3:1-8
Singsing blo David taem hem ranawe from son blo hem Absalom.
3 O Jehovah, why nao olketa enemy blo mi staka tumas?
Why nao olketa wea kamap againstim mi staka tumas?
2 Staka nao tok olsem abaotem mi:*
“God bae no sevem hem.” (Selah)*
3 Bat iu, O Jehovah, iu nao shield wea stap raonem mi,Iu nao glory blo mi and Man wea apim hed blo mi.
4 Bae mi singaot big go lo Jehovah,And hem bae ansarem mi from holy maunten blo hem. (Selah)
5 Bae mi leidaon and sleep,And bae mi wekap and feel sef,Bikos Jehovah gohed for lukaftarem mi.
6 Mi no fraetem staka thousandWea laen ap lo evri saed for againstim mi.
7 O Jehovah, plis, getap! O God blo mi, sevem mi!
Bikos iu bae hitim jaw blo evri enemy blo mi.Bae iu brekem teeth blo wicked pipol.
8 Jehovah, iu nao sevem pipol.
Iu nao blessim pipol blo iu. (Selah)
