Psalm 34:1-22
Blo David, taem hem act olsem hem mentol front lo Abimelech, wea raosem hem and hem go.
א [Aleph]
34 Bae mi praisem Jehovah evritaem,Bae mi no stop for praisem hem.
ב [Beth]
2 Bae mi* tok praod abaotem Jehovah,Olketa wea hambol bae herem and hapi.
ג [Gimel]
3 Praisem Jehovah witim mi.Iumi mekhae lo nem blo hem tugeta.
ד [Daleth]
4 Mi prea lo Jehovah, and hem ansarem mi.
Hem rescuem mi from evri samting wea mi fraetem.
ה [He]
5 Olketa wea luk go lo hem, feis blo olketa shaen from olketa hapi,Pipol bae no mek shame lo olketa.
ז [Zayin]
6 Disfala man wea pipol ting daonem, hem singaot go lo Jehovah, and hem herem.
Hem sevem hem from evri trabol wea kasem hem.
ח [Heth]
7 Angel blo Jehovah camp evriwea raonem olketa wea fraet lo Hem,And hem sevem olketa.
ט [Teth]
8 Traem* and lukim hao Jehovah hem gud,Man wea go lo hem for stap sef, hem hapi.
י [Yod]
9 Fraet lo Jehovah, iufala evriwan blo hem wea holy,Bikos olketa wea fraet lo hem no short lo eni samting.
כ [Kaph]
10 Nomata olketa strong young lion maet no garem inaf kaikai and hangere,Bat olketa wea depend lo Jehovah bae no short lo eni gud samting.
ל [Lamed]
11 Kam, olketa son blo mi, and lisin lo mi,Bae mi teachim iufala lo wei for fraet lo Jehovah.
מ [Mem]
12 Hu lo iufala nao laek for hapi lo laefAnd laekem tumas for lukim staka gudfala day?
נ [Nun]
13 Then sapos olsem, kontrolem tongue blo iu from nogud toktok,And lips blo iu for no talem laea samting.
ס [Samekh]
14 Tane from olketa nogud samting, and duim samting wea gud,Trae hard for garem peace and aftarem datwan.
ע [Ayin]
15 Eye blo Jehovah hem lukluk lo olketa wea raeteous,And ear blo hem lisin lo krae blo olketa for help.
פ [Pe]
16 Bat Jehovah* hem againstim olketa wea duim nogud samting,Mekem no eniwan lo earth bae rememberim olketa moa.
צ [Tsade]
17 Olketa krae go lo hem, and Jehovah herem.Hem sevem olketa from evri trabol wea kasem olketa.
ק [Qoph]
18 Jehovah stap klosap lo olketa wea heart blo olketa brek.Hem sevem olketa wea discourage.*
ר [Resh]
19 Man wea raeteous savve kasem staka hard taem,*Bat Jehovah rescuem hem from evri hard taem hia.
ש [Shin]
20 Hem protectim evri bon blo hem.No eniwan lo olketa hem brek.
ת [Taw]
21 Wicked pipol bae dae lo disaster.Olketa wea heitim raeteous man, olketa nao bae guilty.
22 Jehovah hem baem bak laef* blo olketa servant blo hem.No eniwan lo olketa wea go lo hem for stap sef bae guilty.
Olketa footnote
^ Or, “Soul blo mi.”
^ Or, “Testim.”
^ Or, “feis blo Jehovah.”
^ Heb., “spirit blo olketa barava daon.”
^ Or, “staka trabol.”
^ Or, “soul.”
