Psalm 4:1-8
For director, for singim witim olketa string instrument. Singsing blo David.
4 O raeteous God blo mi, plis taem mi singaot go lo iu, iu ansarem mi.
Taem mi kasem trabol iu mek wei* for mi.
Kaen lo mi and herem prea blo mi.
2 Iufala olketa pipol,* hao long nao bae iufala changem glory blo mi for kamap samting for shame lo hem?
Hao long nao bae iufala lovem samting wea iusles and lukaotem samting wea no tru? (Selah)
3 Iufala mas savve Jehovah bae treatim olketa loyal wan blo hem lo spesol wei.*Jehovah bae herem mi taem mi singaot go lo hem.
4 Nomata sapos iufala kros, iufala mas no sin.
Ting abaotem datwan lo heart blo iufala, taem iufala lo bed, and stap kwaet nomoa. (Selah)
5 Offerim olketa sakrifaes witim raeteous fasin,And trustim Jehovah.
6 Staka pipol nao sei: “Hu nao bae showim lo iumi eni gud samting?”
O Jehovah, iu letem laet from feis blo iu shaen kam lo mifala.
7 Iu nao mekem heart blo mi for barava hapiWinim go moa pipol wea garem staka grain for harvestim and niu wine.
8 Bae mi leidaon and barava sleep gud,Bikos iu nomoa, O Jehovah, iu mekem mi stap lo sef ples.
Olketa footnote
^ Heb., “openem big spes.”
^ Heb., “olketa son blo olketa man.”
^ Or, “separatem loyal wan blo hem; markem for hemseleva loyal wan blo hem.”
