Psalm 67:1-7
For director. For singim witim olketa string instrument. Wanfala singsing. Wanfala song.
67 God bae kaen lo mifala and blessim mifala,Hem bae mekem feis blo hem shaen lo mifala (Selah)
2 Mekem evriwea lo earth bae savve lo wanem iu laekem olketa for duim,And evri nation bae savve lo wanem iu duim for sevem man.
3 O God, hem gud for olketa pipol praisem iu,Evri pipol nao for praisem iu.
4 Olketa nation bae hapi, and singaot from olketa hapi,Bikos iu bae judgem pipol lo stretfala wei.
Iu bae leadim olketa nation lo disfala earth. (Selah)
5 O God, hem gud for olketa pipol praisem iu,Evri pipol nao for praisem iu.
6 Earth bae producem staka kaikai,God, wea iu God blo mifala, bae blessim mifala.
7 God bae blessim mifala,And pipol lo farawe ples lo earth bae fraet lo* hem.
Olketa footnote
^ Or, “honorim.”
