Psalm 69:1-36
For director. Followim tune hia “Olketa Lily Flaoa.” Blo David.
69 O God, iu sevem mi, bikos olketa wata klosap killim mi dae.
2 Mi sink daon insaed deep mud, wea no garem strong graon lo botom.
Mi kasem nao deep wata,And stream wea ran strong tekem mi go.
3 Mi singaot gogo mi barava taed,Throat blo mi hem soa nao.
Eye blo mi hem wik taem mi weit for God blo mi.
4 Olketa wea heitim mi natingOlketa staka tumas winim olketa hair lo hed blo mi.
Olketa laek killim mi dae,Olketa enemy blo mi wea spoelem mi olketa staka.
Olketa forcem mi for givim samting wea mi no stealim.
5 O God, iu savve finis lo tingting blo mi wea no stret,And wei wea mi guilty hem no haed from iu.
6 No mek shame lo olketa wea hope lo iu bikos lo mi,O Sovereign Lord, Jehovah, komanda blo olketa army.
No mek shame lo olketa wea lukaotem iu bikos lo mi,O God blo Israel.
7 Mi barava safa bikos lo iu,Hem olsem shame kavarem feis blo mi.
8 Mi kamap wanfala stranger lo olketa brata blo mi,Wanfala foreigner lo olketa son blo mami blo mi.
9 Strong feeling wea mi garem for haos blo iu, hem olsem fire insaed lo mi,And olketa nogud toktok wea pipol talem for spoelem iu, hem kasem mi nao.
10 Taem mi fasting* for showim mi* hambol,Olketa tok spoelem mi for datwan.
11 Taem mi werem kaleko for sorre olsem kaleko blo mi,Mi kamap samting for olketa mekfani lo hem.*
12 Olketa wea sidaon lo gate blo taon storyim mi nomoa,And mi nao main topic blo olketa wea drunk for sing abaotem.
13 Bat mi bae prea kam lo iu,Lo taem iu bae kaen lo mi, O Jehovah.
O God, bikos lo loyal love* blo iu wea big tumas,Iu ansarem mi for showim iu nao man wea sevem mi.
14 Rescuem mi from mud.No letem mi sink daon.
Rescuem mi from olketa wea heitim miAnd from olketa deep wata.
15 No letem olketa wata wea ran strong for swipim mi go,Or letem olketa deep wata swallom mi,Or letem well* satem mouth blo hem ovam mi.
16 O Jehovah, ansarem mi, bikos loyal love blo iu hem gud tumas.
From iu garem bigfala mercy, iu tane kam lo mi,
17 And no haedem feis blo iu from servant blo iu.
Kwiktaem ansarem mi, bikos mi safa tumas.
18 Kam klosap lo mi and rescuem mi.*Sevem mi bikos lo olketa enemy blo mi.
19 Iu savve nao lo toktok pipol talem for spoelem mi, and for daonem mi, and for mek shame lo mi.
Iu lukim evri enemy blo mi.
20 Olketa nogud toktok brekem heart blo mi, and garekil hia no savve heal nao.*
Mi weit for eniwan feel sorre lo mi, bat no eniwan,And for eniwan comfortim mi, bat mi no faendem eniwan.
21 Olketa givim mi poison* olsem kaikai,And taem mi thirsty olketa givim mi vinegar for drinkim.
22 Tebol blo olketa bae kamap trap for olketa,And gud laef wea olketa garem, kamap trap for olketa.
23 Letem eye blo olketa dark mekem olketa no savve lukluk,And mekem hips blo olketa evritaem seksek.
24 Pourimaot kros blo iu lo olketa,And kros blo iu wea olsem fire bae finisim olketa.
25 Ples wea olketa camp lo hem* bae stap emti,No eniwan bae stap insaed olketa tent blo olketa.
26 Bikos olketa aftarem man wea iu killim,And olketa gohed tok abaotem pain blo pipol wea iu mekem olketa for garekil.
27 Mekem olketa guilty go moa lo wanem olketa guilty finis lo hem,And no mekem olketa for garem share from raeteous fasin blo iu.
28 Rabemaot nem blo olketa from datfala buk blo laef,And no raetem nem blo olketa witim pipol wea raeteous.
29 Bat mi safa and barava feel pain.
O God, paoa blo iu for sevem man bae protectim mi.
30 Bae mi singsing for praisem nem blo God,And bae mi talemaot thankiu for mekhae lo hem.
31 Diswan bae mekem Jehovah hapi winim wei for sakrifaesim wanfala bull,Winim wanfala young bull wea garem horn and hoof.*
32 Olketa wea hambol bae lukim datwan and hapi.
Iufala wea servem God, iufala bae strong bak moa.
33 Bikos Jehovah hem lisin lo olketa wea poor,And hem bae no rejectim pipol blo hem wea go prisoner.
34 Heven and earth mas praisem hem,Witim sea and evri samting wea muv insaed lo hem.
35 Bikos God bae sevem ZionAnd bae buildim bak olketa taon lo Judah,And olketa bae stap lo hem and onam datwan.*
36 Olketa from laen blo olketa servant blo hem bae inheritim datwan,And olketa wea lovem nem blo hem bae stap lo there.
Olketa footnote
^ Or maet, “Taem mi krae and fasting.”
^ Or, “soul blo mi.”
^ Heb., “wanfala proverb.”
^ Lukim “Loyal Love” lo Dictionary.
^ Or, “hol.”
^ Or, “Kam klosap lo soul blo mi and tekem bak.”
^ Or, “and mi no wei nao.”
^ Or, “wanfala poison plant.”
^ Or, “Olketa camp blo olketa wea garem wall raonem.”
^ Diswan hem foot blo kaen animal olsem buluka.
^ Diswan hem datfala land.
