Psalm 82:1-8
Singsing blo Asaph.
82 God standap lo datfala holy ples blo hem for hipap,Midolwan olketa god* hem givim judgment, and sei:
2 “Hao long nao bae iufala gohed nomoa for no followim justice taem iufala judgeAnd fevarem olketa wea wicked? (Selah)
3 Defendim* olketa wea pipol ting daonem and pikinini wea no garem dadi.
Followim justice for judgem man wea no eniwan stap for helpem hem and wea no garem eni samting.
4 Rescuem olketa wea pipol ting daonem and wea poor,Sevem olketa from hand blo wicked pipol.”
5 Olketa no savve and olketa no minim tu,Olketa gohed wakabaot lo darkness,Evri faondeson lo earth hem seksek finis.
6 “Mi tok olsem, ‘Iufala olketa god,*Iufala evriwan olketa son blo datfala Most Hae.
7 Bat bae iufala dae olsem olketa man nomoa,And bae iufala finis olsem eni nara ruler!’”
8 O God, plis getap, and judgem earth,Bikos evri nation olketa blo iu.
