Psalm 84:1-12
For director. For followim tune hia Gittith.* Blo olketa son blo Korah. Wanfala singsing.
84 Nambawan tabernacle blo iu hem barava naes tumas,O Jehovah, komanda blo olketa army!
2 Full body* blo mi hem laekem tumas,Yes, mi laekem tumas,For go lo olketa courtyard blo Jehovah.
Heart blo mi and body* blo mi singaot witim hapi go lo datfala God wea laef.
3 Nomata bird tu faendem ples for stap lo thereAnd swallow bird wakem nest blo hem lo there,For lukaftarem baby blo hemKlosap lo nambawan altar blo iu, O Jehovah, komanda blo olketa army,King blo mi and God blo mi!
4 Olketa wea stap lo haos blo iu olketa hapi!
Olketa gohed for praisem iu. (Selah)
5 Olketa man wea kasem strong from iu olketa hapi,Wea heart blo olketa laekem tumas for followim olketa big road.
6 Taem olketa go thru lo Baca Valley,*Olketa mekem hem kamap ples blo springwata,And first rain blo autumn season kavarem hem* witim blessing.
7 Strong blo olketa for wakabaot bae hem no gogo daon,Each wan hem kam front lo God lo Zion.
8 O Jehovah God, komanda blo olketa army, herem prea blo mi.Lisin, O God blo Jacob. (Selah)
9 Shield blo mifala and God blo mifala, lukim,*Luk kam lo feis blo anointed wan blo iu.
10 Bikos wanfala day insaed olketa courtyard blo iu, hem winim wan thousand day lo nara ples!
Mi chus for standap lo front door lo haos blo God blo miWinim for stap lo olketa tent blo olketa wea duim wicked samting.
11 Bikos Jehovah God hem olsem sun and olsem wanfala shield,Hem kaen and hem givim blessing.
Jehovah bae no holem bak eni gud samtingFrom olketa wea wakabaot lo wei wea faithful.
12 O Jehovah, komanda blo olketa army,Man wea trustim iu hem hapi.
Olketa footnote
^ Lukim “Gittith” lo Dictionary.
^ Or, “Soul blo mi.”
^ Heb., “flesh.”
^ Or, “datfala valley blo olketa baca tree.”
^ Or maet, “And datfala instructor kavarem hem.”
^ Or maet, “Luk lo shield blo mifala, O God.”
