Psalm 95:1-11
95 Kam, iumi singaot witim hapi go lo Jehovah!
Iumi singaot witim hapi go lo Rock blo iumi wea sevem iumi.
2 Iumi kam front lo feis blo hem* for talem thankiu,Iumi singsing and singaot witim hapi go lo hem.
3 Bikos Jehovah hem nambawan God,Hem King wea hae winim evri nara god.
4 Olketa ples wea stap barava botom lo graon hem lo hand blo hem,Olketa top blo olketa maunten olketa blo hem.
5 Sea wea hem nao wakem hem blo hem,And olketa hand blo hem nao wakem disfala drae land.
6 Kam, iumi baodaon and worship,Iumi nildaon front lo Jehovah, Man wea wakem iumi.
7 Bikos hem nao God blo iumi,And iumi nao pipol wea hem lukaftarem,Olketa sheepsheep wea stap anda lo kea blo hem.*
Tuday sapos iufala lisin lo voice blo hem,
8 Iufala mas no mekem heart blo iufala strong olsem lo Meribah,*Olsem lo taem blo Massah* lo wilderness,
9 Taem olketa grandadi blo iufala testim mi,Olketa traem mi, nomata olketa lukim finis olketa samting mi duim.
10 For 40 years mi les tumas lo datfala genereson, and mi tok olsem:
“Olketa pipol hia, evritaem heart blo olketa go difren from mi,Olketa no savve lo olketa wei blo mi.”
11 So from mi kros mi promis olsem:
“Bae olketa no kam insaed ples wea mi rest.”
Olketa footnote
^ Or, “front lo hem.”
^ Heb., “lo hand blo hem.”
^ Mining blo hem “Raoa.”
^ Mining blo hem “Testim; Traem”
