Psalm 116:1-19
116 Mi lovem JehovahBikos hem herem* voice blo mi, krae blo mi for help.
2 Hem lisin kam* lo mi,And bae mi kol go lo hem lo full laef blo mi.*
3 Dae hem olsem olketa rope wea raonem mi.Grev hem hol taet lo mi.*
Trabol and sorre winim mi nao.
4 Bat mi singaot lo nem blo Jehovah olsem:
“O Jehovah, rescuem mi!”*
5 Jehovah hem sorre lo* man and hem raeteous.God blo iumi hem garem bigfala mercy.
6 Jehovah gaedem olketa wea no wise.
Mi barava lo daon nao, and hem sevem mi.
7 Iu mekem soul* blo mi rest wanfala taem moa,Bikos Jehovah bin duim gud samting for mi.
8 Iu bin rescuem mi* from dae,Eye blo mi from tias, and foot blo mi for no foldaon.
9 Mi bae wakabaot front lo Jehovah lo land blo olketa wea laef.
10 Mi garem faith, dastawe mi story.Mi barava safa tumas.
11 Bat mi, mi panic and sei:
“Evri man nao savve laea.”
12 Wat nao bae mi givim bak lo JehovahFor evri gud samting wea hem bin duim for mi?
13 Bae mi drink from kap wea savve sevem man,And bae mi kol lo nem blo Jehovah.
14 Bae mi duim wanem mi promisim lo JehovahFront lo evri pipol blo hem.
15 Hem big samting* lo eye blo JehovahTaem olketa loyal wan blo hem olketa dae.
16 O Jehovah, mi begim iu,Bikos mi servant blo iu.
Mi servant blo iu, son blo slave gele blo iu.
Iu mekem mi free from olketa chain wea raonem mi.
17 Bae mi offerim go lo iu thanksgiving sakrifaes.*Bae mi singaot lo nem blo Jehovah.
18 Bae mi duim wanem mi promisim lo JehovahFront lo evri pipol blo hem,
19 Insaed olketa courtyard lo haos blo JehovahMidolwan lo iu, O Jerusalem.
Praisem Jah!*
Olketa footnote
^ Or maet, “Mi lovem bikos Jehovah herem.”
^ Or, “bendaon for lisin.”
^ Heb., “lo olketa day blo mi.”
^ Heb., “Olketa trabol lo Sheol kasem mi.”
^ Or, “soul blo mi.”
^ Or, “kaen lo.”
^ Lukim “Soul” lo Dictionary.
^ Or, “soul blo mi.”
^ Heb., “spesol samting.”
^ Lukim “Thanksgiving Offering” lo Dictionary.
^ Or, “Hallelujah!” “Jah” hem short form lo nem blo Jehovah.
