Psalm 126:1-6
Song blo Olketa wea Go Ap.
126 Taem Jehovah tekem kam bak olketa blo Zion wea go prisoner,Mifala tingse mifala dream nomoa.
2 Lo datfala taem mifala laf fogudAnd tongue blo mifala singaot from mifala hapi.
Lo datfala taem pipol lo olketa nation sei:
“Jehovah duim olketa bigfala samting for olketa.”
3 Jehovah duim olketa bigfala samting for mifala,And mifala hapi fogud.
4 O Jehovah, hipim kam bak* olketa blo mifala wea go prisoner,Olsem olketa stream lo Negeb.*
5 Olketa wea plantim seed witim tiasBae singaot witim hapi taem olketa harvest.
6 Man wea go aot, nomata hem krae,Hem karem bag seed blo hem for plantim,Bae hem barava hapi taem hem kam bak,Hem karem bandol wea hem harvestim.
