Psalm 128:1-6
Song blo Olketa wea Go Ap.
128 Evriwan wea fraet lo Jehovah, olketa nao hapi,Wea wakabaot followim olketa wei blo Hem.
2 Bae iu kaikaim samting wea hand blo iu waka hard lo hem.
Bae iu hapi and bae iu garem gudfala laef.
3 Waef blo iu bae olsem vine wea garem staka frut insaed haos blo iu.Olketa son blo iu bae olsem olketa niu sut blo olive tree raonem tebol blo iu.
4 Lukim! Hem nao hao man wea fraet lo JehovahBae kasem blessing.
5 Jehovah bae blessim iu from Zion.
Bae iu lukim Jerusalem hem stap gud lo full laef blo iu
6 And lukim olketa son blo olketa son blo iu.
Peace bae hem mas stap lo Israel.
