Psalm 16:1-11
Wanfala miktam* blo David.
16 Protectim mi, O God, bikos iu nao mi kam lo iu for stap sef.
2 Mi tok olsem lo Jehovah: “Iu Jehovah, evri gud samting lo laef blo mi hem kam from iu.
3 And olketa holy wan lo earth,Olketa important wan, olketa mekem mi hapi tumas.”
4 Pipol wea aftarem olketa nara god mekem sorre blo olketa big go moa.
Bae mi no pourimaot olketa drink offering* blo blood wea olketa offerim,And nem blo olketa bae no kamaot from lips blo mi.
5 Jehovah nao hem share blo mi, and kap blo mi.
Iu protectim wanem mi onam.
6 Olketa naes ples olketa markem finis for mi.
Yes, mi satisfae lo wanem mi onam.
7 Bae mi praisem Jehovah, wea givim advaes lo mi.
Nomata lo naet, tingting wea stap deep lo mind blo mi* hem stretem mi.
8 Evritaem mi putim Jehovah front lo mi.
Bikos hem stap lo raet hand blo mi, bae mi no seksek.*
9 Dastawe heart blo mi hem barava hapi, laef blo mi hem gud tumas.
And mi stap* sef.
10 Bikos bae iu no leavim mi* stap lo Grev.*
Iu bae no letem loyal wan blo iu for lukim hol.*
11 Iu showim lo mi road for followim lo laef.
Man savve hapi tumas taem hem stap front lo iu,*Wei for man barava hapi* hem lo raet hand blo iu for olowe.
Olketa footnote
^ Lukim “Miktam” lo Dictionary.
^ Lukim “Drink Offering” lo Dictionary.
^ Heb., “tufala kidney blo mi.”
^ Or, “no finis.”
^ Or, “body blo mi stap.”
^ Or, “lusim soul blo mi.”
^ Or, “Sheol.” Diswan hem grev blo olketa man. Lukim “Grev” lo Dictionary.
^ Or maet, “for rotten.”
^ Heb., “lo feis blo iu.”
^ Or, “feel gud.”
