Psalm 21:1-13
For director. Singsing blo David.
21 O Jehovah, from strong blo iu nao mekem king hem hapi.Hem hapi tumas bikos lo olketa samting iu duim for sevem man!
2 Iu givim lo hem samting wea heart blo hem laekem tumas,And iu no hol bak for givim wanem hem askem. (Selah)
3 From iu blessim hem witim staka samting,Iu putim wanfala kraon blo pure* gold lo hed blo hem.
4 Hem askem iu for hem stap laef, and iu givim lo hem,For laef longtaem, for olowe nao.
5 Hem kasem glory bikos lo olketa samting iu duim for sevem man.
Iu givim hem honor and iu respectim hem.
6 Iu mekem hem for kasem blessing for olowe.From iu stap witim hem datwan mekem hem hapi.
7 Bikos king hem trustim Jehovah,And bikos lo loyal love* blo datfala Most Hae, hem bae no seksek.*
8 Hand blo iu bae kasholem evri enemy blo iu.Raet hand blo iu bae kasholem olketa wea heitim iu.
9 Lo taem wea iu markem for lukluk gud lo olketa, iu bae distroem olketa olsem iu torowem olketa insaed bigfala fire.
Jehovah bae swallom olketa lo kros blo hem, and fire bae finisim olketa.
10 Bae iu distroem pipol lo laen* blo olketa from disfala earth,And pikinini blo olketa from olketa son blo olketa man.
11 Bikos olketa trae for duim nogud samting againstim iu,Olketa rabis plan wea olketa mekem bae hem no savve waka.
12 Bikos iu bae mekem olketa for ranawe go bakTaem iu aimim bow* blo iu lo olketa.*
13 O Jehovah, witim strong blo iu, plis getap.
Bae mifala singsing for praisem* bigfala paoa blo iu.
Olketa footnote
^ Or, “klin.”
^ Lukim “Loyal Love” lo Dictionary.
^ Or, “no finis.”
^ Heb., “olketa fruit.”
^ Heb., “olketa string blo bow.”
^ Heb., “feis blo olketa.”
^ Heb., “singsing and pleim music for.”
