Psalm 38:1-22
Singsing blo David, wea olsem wanfala reminder.*
38 O Jehovah, no disciplinem mi lo taem wea iu kros,And no stretem mi lo taem wea iu kros fogud.
2 Bikos olketa arrow blo iu spiarim mi go deep insaed,And hand blo iu pressim mi go daon.
3 Full body blo mi hem sik* bikos iu kros tumas lo mi.
Sin blo mi mekem mi no garem peace.*
4 Bikos olketa mistek blo mi hem hip antap hed blo mi,Hem olsem wanfala hevi load, wea hem tumas nao for mi karem.
5 Olketa garekil blo mi hem smel and rottenBikos lo olketa karangge samting wea mi duim.
6 Mi wari and barava discourage,For full day mi wakabaot sorre nomoa.
7 Insaed lo mi hem bone,*Full body blo mi hem sik.
8 Body blo mi numb and mi wik fogud,Heart blo mi wea pain hem mekem mi krae big.
9 O Jehovah, evri samting wea mi laekem iu lukim finis,And evri feel nogud blo mi hem no haed from iu.
10 Heart blo mi hem pampam, strong blo mi hem finis nao,And datfala laet lo eye blo mi hem nomoa nao.
11 Olketa fren and olketa wea mi savve associate witim les lo mi, bikos lo nogud samting wea kasem mi,And olketa klos fren blo mi no kam klosap lo mi nao.
12 Olketa wea lukaotem laef blo mi* putim olketa trap for mi,Olketa wea trae for spoelem mi olketa story abaotem hao for distroem mi,Evriday nomoa olketa mekem plan for trikim mi.
13 Bat olsem samwan wea hem deaf, bae mi no lisin,Olsem samwan wea no savve toktok, bae mi no openem mouth blo mi.
14 Mi kamap olsem man wea no savve herehere,Wea no garem eniting for talem for defendim hemseleva.
15 Bikos lo iu nao O Jehovah, mi weit lo iu,And iu ansarem mi, O Jehovah God blo mi.
16 Bikos mi tok olsem: “Olketa mas no hapi, taem mi kasem trabolOr hapi lo samting wea kasem mi sapos leg blo mi step miss.”
17 Bikos klosap nao mi bae foldaon,And pain blo mi hem stap olowe witim mi.
18 Mi confessim finis rong blo mi,Sin blo mi mekem mi wari fogud.
19 Bat olketa enemy blo mi olketa strong* and garem paoa,Olketa wea heitim mi nating nomoa, olketa staka tumas.
20 Olketa changem nogud samting for gud samting wea mi duim,Olketa gohed againstim mi from mi aftarem gud samting.
21 O Jehovah, iu no lusim mi.
O God, iu no stap farawe from mi.
22 Kwiktaem kam for helpem mi,O Jehovah, man for sevem mi.
Olketa footnote
^ Or, “for mekem man rememberim.”
^ Heb., “No eni part lo body blo mi hem gud.”
^ Heb., “Olketa bon blo mi no garem peace.”
^ Heb., “Insaed lo mi hem gohed bone.”
^ Or, “soul blo mi.”
^ Heb., “laef.”
