Psalm 40:1-17
For director. Singsing blo David.
40 Mi barava hope lo* Jehovah,And hem tanem ear blo hem* lo mi and herem krae blo mi for help.
2 Hem pullim mi kamaot from hol wea wata mek noes big insaed,Aot from mud wea slippery.
And hem putim foot blo mi antap lo wanfala ston.Hem mekem mi standap strong.
3 Then hem teachim mi wanfala niu song,Praisem God blo iumi.
Staka bae lukim and olketa sapraesAnd olketa trustim Jehovah.
4 Man wea trustim Jehovah hem hapiAnd hem no tane go lo olketa wea bighed or lo olketa laea samting.*
5 O Jehovah God blo mi,Iu evritaem tingim mifala,And iu duim staka nambawan samting for helpem mifala.
No eniwan hem olsem iu,Sapos mi trae for story abaotem olketa samting hia,Bae olketa staka tumas for mi storyim!
6 Sakrifaes and offering iu no laekem,*Bat iu openem ear blo mi mekem mi herem samting.
Iu no ask for olketa burnt offering* and olketa sin offering.*
7 Then mi sei: “Lukim, mi kam nao.
Insaed datfala scroll* wea olketa raetem abaotem mi.
8 O God blo mi, for duim will blo iu hem samting wea mi hapi for duim,*And law blo iu hem stap deep insaed lo mi.
9 Mi talemaot gud nius abaotem raeteous fasin insaed big kongregeson.
Lukim! Mi nating stap kwaet,O Jehovah, iu savve finis lo datwan.
10 Lo heart blo mi, mi no haedem raeteous fasin blo iu.
Mi talemaot faithful fasin blo iu, and wei wea iu sevem man.
Insaed big kongregeson mi no haedem loyal love* blo iu and truth blo iu.”
11 O Jehovah, no hol bak for showim mercy blo iu lo mi.
Loyal love blo iu and truth blo iu nao mas evritaem protectim mi.
12 Olketa trabol wea stap raonem mi hem staka tumas for kaontem.
Staka lo olketa mistek blo mi hem tumas for mi, gogo mi no savve wat for duim.Olketa staka tumas winim olketa hair lo hed blo mi,And mi no strong nao.
13 O Jehovah, plis iu willing for sevem mi.
O Jehovah, kwiktaem for helpem mi.
14 Evriwan wea lukaotem mi for tekem aot laef* blo miBae olketa mas shame and pipol ting daonem olketa.
Olketa wea hapi taem mi kasem trabolOlketa nao mas ranawe bikos olketa shame.
15 Olketa wea gohed for sei lo mi: “Hem nao ia! Hem nao ia!”
Olketa mas seke bikos olketa seleva nao shame.
16 Bat olketa wea laek savve lo iuMas feel gud and hapi lo iu.
Olketa wea laekem tumas wanem iu duim for sevem pipol, bae evritaem sei:
“Jehovah nao mas kasem bignem.”
17 Bat mi no garem eniwan for helpem mi and mi poor,Jehovah nao bae luk lo mi.
Iu nao helpem mi and rescuem mi,God blo mi, iu no delay.
Olketa footnote
^ Or, “patient for weit lo.”
^ Or, “bendaon for lisin.”
^ Or, “olketa wea laea.”
^ Or, “hapi lo hem.”
^ Lukim “Burnt Offering” lo Dictionary.
^ Lukim “Sin Offering” lo Dictionary.
^ Heb., “scroll blo datfala buk.”
^ Or, “laekem tumas.”
^ Lukim “Loyal Love” lo Dictionary.
^ Or, “soul.”
