Psalm 53:1-6
For director. Followim style hia Mahalath.* Maskil.* Blo David.
53 Man wea karangge* hem sei olsem:
“Jehovah hem no stap.”
Akson blo olketa wea no stret, hem barava nogud and hem rabis tumas,No eniwan hem duim gud samting.
2 Bat God luk kam daon from heven lo olketa son blo olketa manFor lukim sapos eniwan hem wise and sapos eniwan hem lukaotem Jehovah.
3 Evriwan lo olketa tane difren,Olketa evriwan nogud semsem nomoa.
No eniwan duim gud samting,Nomata wanfala nomoa tu.
4 Waswe, no eniwan lo olketa hia wea duim rong samting hem minim?
Olketa finisim pipol blo mi olsem hao olketa kaikaim bred.
Olketa no prea go lo Jehovah.
5 Bat olketa bae fraet fogud,No enitaem bifor kaen fraet olsem kasem olketa,Bikos God bae torowem olobaot olketa bon blo pipol wea attakim iu.
Iu bae mek shame lo olketa, bikos Jehovah rejectim olketa finis.
6 Mi laekem tumas dat man for sevem Israel bae kamaot from Zion!
Taem Jehovah tekem kam bak pipol blo hem wea go prisoner,Iu Jacob iu mas hapi, and iu Israel iu mas hapi fogud.
Olketa footnote
^ Lukim “Mahalath” lo Dictionary.
^ Lukim “Maskil” lo Dictionary.
^ Or, “no garem gud tingting.”
