Psalm 54:1-7
-
Prea for help taem midolwan olketa enemy
-
“God nao helpem mi” (4)
-
For director. For singim witim olketa string instrument. Maskil.* Blo David, taem olketa Ziphite kam lo Saul and sei: “David hem haed midolwan lo iumi.”
54 O God, sevem mi lo nem blo iu,And defendim mi* witim paoa blo iu.
2 O God, herem prea blo mi,Lisin gud lo olketa toktok wea kamaot from mouth blo mi.
3 Bikos olketa stranger kam againstim mi,And olketa raf man lukaotem mi* for killim mi dae.
Olketa nating tinghae lo God.* (Selah)
4 Lukim! God nao helper blo mi,Jehovah hem saedem olketa wea sapotim mi.*
5 Hem bae changem bak lo olketa enemy blo mi, nogud samting wea olketa duim,Bikos lo faithful fasin blo iu, iu finisim olketa.*
6 Bae mi willing for mekem sakrifaes lo iu.
O Jehovah, bae mi praisem nem blo iu, bikos hem gud tumas.
7 Bikos hem sevem mi lo evri hard taem,And bae mi hapi for lukim taem olketa enemy blo mi distroe.
Olketa footnote
^ Lukim “Maskil” lo Dictionary.
^ Or, “duim samting for sapotim mi.”
^ Or, “soul blo mi.”
^ Or, “Olketa no putim God first lo laef blo olketa.”
^ Or, “soul blo mi.”
^ Heb., “mekem olketa kwaet.”
