Psalm 60:1-12
For director. For pleim followim tune hia “Lily wea Olsem Reminder.” Miktam.* Blo David. For teachim man. Taem hem faet witim Aram-naharaim and Aram-Zobah, and Joab go bak and killim dae 12,000 Edomite lo Valley blo Salt.
60 O God, iu rejectim mifala, iu daonem mifala finis.
Iu bin kros lo mifala, bat distaem acceptim mifala bak!
2 Iu mekem earth hem seksek, and iu splitim for hem open.
Fixim bak olketa ples lo hem wea krak, bikos hem gogo for foldaon.
3 Iu bin mekem pipol blo iu for kasem hard taem.
Iu mekem mifala drinkim wine wea mekem mifala no wakabaot stret.
4 Showim* wanfala saen for olketa wea fraet lo iuMekem olketa ranawe and misstim datfala bow. (Selah)
5 Sevem mifala witim raet hand blo iu and ansarem mifala,Mekem iu savve sevem olketa wea iu lovem.
6 God wea holy hem tok olsem:
“Mi bae hapi for givim go Shechem olsem wanfala inheritance,And mi bae divaedem datfala Valley* blo Succoth.
7 Gilead hem blo mi, and Manasseh tu hem blo mi,And Ephraim hem helmet for hed blo mi,Judah nao datfala stik blo komanda blo mi.
8 Moab hem basin for wasim hand and foot blo mi.
Bae mi torowem sandol blo mi ovam Edom.
Bae mi winim Philistia and singaot witim hapi.”
9 Hu nao bae tekem mi go lo taon hia wea olketa raonem?*
Hu nao bae leadim mi go kasem kam Edom?
10 Hao, hem no iu O God, wea rejectim mifala,God blo mifala, wea no leadim nao army blo mifala?
11 Helpem mifala taem mifala kasem trabol,Bikos wanem olketa man duim for sevem man hem iusles nomoa.
12 God nao bae givim mifala strong,And hem bae stepim olketa enemy blo mifala.
Olketa footnote
^ Lukim “Miktam” lo Dictionary.
^ Or maet, “Iu showim finis.”
^ Or, “Flat Ples.”
^ Or maet, “wea garem strong wall raonem.”
