Psalm 61:1-8
-
God, hem strong taoa againstim olketa enemy
-
“Mi bae wanfala guest lo tent blo iu” (4)
-
For director. For singim witim olketa string instrument. Blo David.
61 O God, herem krae blo mi for help.
Iu lisin gud lo prea blo mi.
2 From olketa farawe ples lo earth bae mi krae go lo iuLo taem wea mi hopeles nao.*
Leadim mi go lo wanfala rock wea hae winim mi.
3 Bikos iu nao sef ples blo mi,Wanfala strong taoa wea protectim mi from enemy.
4 Mi bae wanfala guest lo tent blo iu for olowe.Bae mi go stap sef andanit olketa wing blo iu. (Selah)
5 Bikos iu herem finis olketa promis blo mi, O God.
Iu givim mi finis inheritance wea iu markem for olketa wea fraet lo nem blo iu.
6 Iu bae addim staka day moa lo laef* blo king,And olketa year blo hem bae kasem evri genereson wea kam bihaen.
7 Hem bae sidaon lo throne* front lo God for olowe.Givim hem* loyal love* and faithful fasin, mekem olketa samting hia savve protectim hem.
8 Then bae mi singsing for praisem* nem blo iu for oloweMekem evriday mi savve keepim olketa promis blo mi.
Olketa footnote
^ Or, “kamap wik.”
^ Heb., “olketa day.”
^ Or, “bae stap.”
^ Or, “Markem for hem.”
^ Lukim “Loyal Love” lo Dictionary.
^ Or, “pleim music for.”
