Psalm 86:1-17
Prea blo David.
86 Lisin kam* O Jehovah, and ansarem mi,Bikos mi safa tumas and mi poor.
2 Protectim laef* blo mi, bikos mi loyal lo iu.
Sevem servant blo iu wea trustim iu,Bikos iu nao God blo mi.
3 Showim kaenfala fasin lo mi, O Jehovah,Bikos lo full day nao mi kol go lo iu.
4 Iu mekem servant blo iu* for hapi,Bikos iu nao mi luk go lo iu, O Jehovah.*
5 Bikos iu O Jehovah, iu gud tumas and redi for forgive,Loyal love* wea iu showim lo evriwan wea kol lo iu hem big tumas.
6 O Jehovah, lisin lo prea blo mi,And lisin gud kam lo krae blo mi for help.
7 Mi kol lo iu lo day wea mi kasem trabol,Bikos iu bae ansarem mi.
8 Midol lo olketa god no eniwan hem olsem iu, O Jehovah,No eni waka wea eniwan duim hem olsem wanem iu duim.
9 Evri pipol wea iu nao wakemBae kam and baodaon front lo iu, O Jehovah,And olketa bae givim glory lo nem blo iu.
10 Bikos iu barava hae and iu duim olketa nambawan samting,Iu nao God, only iu nomoa.
11 Teachim mi, O Jehovah, for savve lo wanem iu laekem.
Mi bae wakabaot followim truth blo iu.
Iu mekem heart blo mi wan nomoa* for fraet lo nem blo iu.
12 Mi praisem iu, O Jehovah, God blo mi, lo full heart blo mi,And bae mi mekhae lo nem blo iu for olowe,
13 Bikos loyal love blo iu for mi hem big tumas,And iu bin sevem laef* blo mi for no go daon lo botom lo Grev.*
14 O God, olketa man wea duim samting wea olketa no garem raet for duim kamap againstim mi,Grup blo olketa raf man lukaotem mi for tekem aot laef blo mi,*And olketa nating tingim iu.*
15 Bat iu O Jehovah, iu God wea garem bigfala mercy and iu tingim* man,Iu no savve kros kwiktaem and loyal love blo iu hem big tumas and iu faithful.*
16 Tane kam lo mi and iu kaen lo mi.
Givim strong blo iu lo servant blo iu,And sevem son blo slave gele blo iu.
17 Showim mi wanfala saen* blo gudfala fasin blo iu,Mekem olketa wea heitim mi savve lukim datwan and olketa bae shame.
Bikos iu O Jehovah, iu nao man wea helpem mi and comfortim mi.
Olketa footnote
^ Or, “Bendaon and lisin.”
^ Or, “soul.”
^ Or, “soul blo servant blo iu.”
^ Or, “mi liftimap soul blo mi.”
^ Lukim “Loyal Love” lo Dictionary.
^ Or, “Givim mi heart wea no divaed.”
^ Or, “soul.”
^ Or, “Sheol.” Diswan hem grev blo olketa man. Lukim “Grev” lo Dictionary.
^ Or, “lukaotem soul blo mi.”
^ Or, “no putim iu front lo olketa.”
^ Or, “kaen lo.”
^ Or, “talem tru samting evritaem.”
^ Or, “pruv.”
