Psalm 99:1-9
99 Jehovah hem kamap King. Olketa pipol mas fraet.
Hem sidaon for rul antap* olketa cherub. Earth mas seksek.
2 Jehovah garem bigfala paoa lo Zion,And hem hae winim evri pipol.
3 Pipol mas praisem nambawan nem blo iu,Bikos nem blo iu hem paoaful and hem holy.
4 Hem maeti king wea lovem justice.
Iu evritaem duim stret samting.
Iu tekem kam justice and raeteous fasin lo Jacob.
5 Mekhae lo Jehovah, God blo iumi, and baodaon* front lo footstool blo hem,Hem holy.
6 Moses and Aaron tu, tufala priest blo hem,And Samuel tu hem wanfala lo olketa wea savve prea lo nem blo hem.
Olketa savve kol go lo Jehovah,And hem savve ansarem olketa.
7 Hem savve story kam lo olketa from datfala cloud.*
Olketa obeyim olketa reminder blo hem and olketa law wea hem givim lo olketa.
8 O Jehovah, God blo mifala, iu ansarem olketa finis.
Iu God wea forgivim olketa,Bat iu panisim olketa for olketa sin wea olketa duim.
9 Mekhae lo Jehovah, God blo iumiAnd baodaon* front lo holy maunten blo hem,Bikos Jehovah, God blo iumi hem holy.
Olketa footnote
^ Or maet, “between”
^ Or, “worship.”
^ Heb., “cloud wea standap olsem post.”
^ Or, “worship.”
