Hao for Offerim Pablikeson
WASTAOA
Kwestin: Waswe, enitaem iu herem disfala toktok bilong Jesus?
Scripture: Joh 3:16
Offerim magasin: Disfala Wastaoa magasin storyim gud samting wea kamaot bikos Jesus hem safa and dae for iumi.
WASTAOA (last page)
Kwestin: Lukim disfala kwestin and ansa wea samfala pipol savve talem. [Readim firstfala kwestin and olketa ansa andanit.] Which ansa nao bae iu chusim?
Scripture: Mt 4:1-4
Offerim magasin: Satan hem story witim Jesus and hem traem Jesus, so datwan pruvim Satan hem no piksarem nogud wei bilong man. Wanem nao nara samting wea iumi savve lanem from Bible abaotem Satan? Disfala article hem storyim datwan.
MEMORIAL INVITATION
Offerim: Mifala invaetem evriwan for kam long wanfala barava important hipap. [Givim invitation pepa long haosholder.] Long March 23, plande million pipol evriwea long world bae hipap for rememberim dae bilong Jesus Christ and for herem wanfala Bible tok wea storyim olketa gud samting wea iumi savve kasem bikos long dae bilong Jesus. Disfala invitation pepa garem taem and ples wea datfala hipap bae kamap. Mifala hope for lukim iu long there.
RAETEM IDEA BILONG IUSELEVA
Followim olketa example hia and raetem idea bilong iuseleva for offerim olketa pablikeson.
