Olketa wakem disfala brochure Hu Nao Duim Wanem Jehovah Laekem Distaem? for iusim long start or long end bilong evri study taem iumi study witim samwan. * Leson 1-4 bae helpem olketa Bible study for savve long iumi Olketa Jehovah’s Witness. Leson 5-14 helpem olketa for savve long olketa samting wea iumi duim. And leson 15-28 helpem olketa for savve long organization bilong iumi. Hem gud for iumi start long leson 1 go kasem leson 28, bat iu savve storyim tu eni leson wea Bible study laek for savve long hem. Evri leson hem short nomoa, and iumi savve storyim datwan insaed faev go kasem ten minute.

• Readim kwestin wea stap antap long page

• Readim full leson, or readim each paragraf wanwan

• Story raonem wanem iutufala readim. Iusim olketa kwestin wea stap long botom long page and storyim olketa piksa. Chusim olketa scripture for iutufala readim and story raonem. Mekhae long olketa subheding wea garem raeting wea moa blak, bikos datwan hem ansarem kwestin wea stap antap long page.

• Sapos datfala leson garem box “Lanem Moa Samting,” readim datwan and encouragem Bible study for followim