October 7-13
PSALMS 92-95
Song 84 and Prea | Introduction (1 min.)
1. For Servem Jehovah Hem Best Disison lo Laef!
(10 min.)
Jehovah fit for kasem worship blo iumi (Ps 92:1, 4; w18.04 26 ¶5)
Hem helpem pipol blo hem for garem gudfala tingting and wei for minim samting (Ps 92:5; w18.11 20 ¶8)
Hem tinghae lo olketa wea servem hem, nomata lo taem wea olketa olo (Ps 92:12-15; w20.01 19 ¶18)
ASKEM IUSELEVA, ‘Wat nao stopem mi for dedicatem laef blo miseleva lo Jehovah and baptaes?’
2. Faendem Gudfala Point
(10 min.)
-
Ps 92:5—Hao nao olketa toktok hia barava describem wisdom blo Jehovah? (cl 176 ¶18)
-
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 94:1-23 (th study 5)
4. Hao for Startim Story
(4 min.) ENITAEM WITNESSING. Faendem chance for talem datfala person abaotem waka wea iu duim olsem wanfala Bible teacher. (lmd leson 5 point 3)
5. Hao for Continue lo Story
(3 min.) ENITAEM WITNESSING. Offerim Bible study lo samwan wea interest, wea lo bifor hem no laek for study. (lmd leson 8 point 4)
6. Hao for Mek Disaepol
(5 min.) Story witim wanfala Bible student wea no mekem eni progress. (lmd leson 12 point 5)
Song 5
7. Taem Olketa Young Wan Deal Witim Bigfala Wari
(15 min.) Story tugeta witim kongregeson.
Olketa wea servem Jehovah savve kasem tu olketa bigfala wari lo laef. For example, staka taem David experiencem bigfala wari lo laef blo hem, and staka brata and sista blo iumi distaem tu olsem. (Ps 13:2; 139:23) Sorre samting nao, datwan hem affectim even olketa young wan tu. Samfala taem, olketa hevi olsem savve mekem hem no isi for duim olketa normal samting, olsem for go lo skul or attendim olketa kongregeson meeting. Olketa samting hia savve lead go lo panic attak or tingting for suisaed.
Olketa young wan, if iu deal witim bigfala wari, hem gud for story witim parents or wanfala mature adult. No forget for prea lo Jehovah for sapot. (Php 4:6) Hem bae helpem iu. (Ps 94:17-19; Isa 41:10) Tingim example blo Steing.
Pleim VIDEO Jehovah Lukaftarem Mi. Then askem audience:
• Wat scripture lo Bible nao helpem Steing, and why?
• Hao nao Jehovah lukaftarem hem?
Parents, iu savve helpem pikinini blo iu for deal witim bigfala wari taem iu patient for lisin lo olketa, talem dat iu lovem olketa, and helpem olketa for strongim wei wea olketa trustim hao Jehovah lovem olketa. (Tit 2:4; Jas 1:19) Depend lo Jehovah for provaedem comfort and strong wea iu needim for sapotim olketa pikinini blo iu.
Maet iumi no savve taem samwan lo kongregeson hem deal witim bigfala wari or maet iumi no minim feeling blo hem. Nomata olsem, iumi savve help lo wei for mekem evriwan lo kongregeson feelim dat iumi lovem and laek helpem olketa.—Pr 12:25; Heb 10:24.
8. Kongregeson Bible Study
(30 min.) bt chap. 16 ¶6-9, box lo p. 132
