SONG 105
“God Hem Love”
-
1. God hem love and laekem man for
Lovem hem and for obey.
Taem man lovem God and neiba,
Hem bae showaot evriday.
Diswan wei for iumi hapi,
Hem nao laef iumi laekem.
Taem man showimaot love olsem,
Bae gud samting hem kasem.
-
2. Taem man lovem God and Bible,
Hem bae lovem narawan.
Taem man hem mistek and foldaon,
Help b’long God hem nambawan.
Love hem stopem man for jealous,
Savve kaen, no givap tu.
Man wea lovem brata kasem
Gud samting from love wea tru.
-
3. Iumi mas no kros long brata,
Bossim kros, kontrolem hem.
Trustim God for helpem iu nao,
Followim komand olsem:
Lovem God, and lovem neiba,
And mas lovem enemy.
Traem best for showimaot love,
Olsem God lovem iumi.
(Lukim tu Mark 12:30, 31; 1 Cor. 12:31–13:8; 1 John 3:23.)