SONG 58
Lukaotem Sheepsheep Bilong God
-
1. Gud nius nao Jesus strong for talemaot.
Hem preach long ples wea hot and dust,
Bigfala love hem showimaot.
Hem preach long evri man wea laek herem.
Lukaotem man, start long morning,
kasem day hem end.
Nomata maet samfala les,
Iumi mas preach long evri ples
Gud nius hao klosap nao niu world bae hem kam.
(CHORUS)
Mas lukaotem
Sheepsheep b’long Jah long evri nation,
Trae for faendem
Olketa wea laekem salvation,
No laek misstim
Eniwan hia.
-
2. Mas strong for preach nao bifor end hem kam.
And waka hard, lukaotem man,
Jehovah tinghae long datwan.
From love nao iumi go bak for sharem
Hope long man wea needim help
for stretem laef b’long hem.
And trae for faendem evriday
Man wea tinghae, laek for obey.
For faendem man olsem hem strongim iumi.
(CHORUS)
Mas lukaotem
Sheepsheep b’long Jah long evri nation,
Trae for faendem
Olketa wea laekem salvation,
No laek misstim
Eniwan hia.
(Lukim tu Isa. 52:7; Matt. 28:19, 20; Luke 8:1; Rome 10:10.)