SONG 69
Gohed Strong for Preachim Kingdom Message!
-
1. Mas preachim gud nius bilong Kingdom
Long pipol long evri ples.
And mas garem love nao for neiba,
Man wea hambol bae no les.
For preachim gud nius hemi priv’lege,
Long diswan iumi mas no daot.
Mas evritaem go duim preaching
And nem bilong God talemaot.
(CHORUS)
Iumi go nao preachim
Kingdom message, iumi mas no fraet.
Faithful, saedem nao Jehovah God and
no givap long faet.
-
2. Anointed and tu nara sheepsheep
Wan mind and no givap tu.
And olketa olo and young wan
Hol strong evritaem long truth.
Iumi preachim gud nius b’long Kingdom,
Wea evriwan nao mas herem.
Jehovah hem strongim nao man wea
Hem no fraet for worshipim hem!
(CHORUS)
Iumi go nao preachim
Kingdom message, iumi mas no fraet.
Faithful, saedem nao Jehovah God and
no givap long faet.
(Lukim tu Ps. 23:4; Acts 4:29, 31; 1 Pet. 2:21.)
