SONG 97
Toktok Bilong God Hem Givim Laef
-
1. Toktok b’long God hem givim laef
Long man wea hem obey.
Man no laef long kaikai nomoa,
Bible nao showim wei.
Hapi distaem and bae kasem
Blessing for olowe.
(CHORUS)
Man no laef long kaikai nomoa,
Hem nao Bible hem sei.
Herem toktok b’long God each day,
Kasem laef olowe.
-
2. Bible storyim olketa
Man and woman bifor
Wea no givap taem kasem test,
Strong and faithful nomoa.
Iumi readim and kasem strong
For faithful olowe.
(CHORUS)
Man no laef long kaikai nomoa,
Hem nao Bible hem sei.
Herem toktok b’long God each day,
Kasem laef olowe.
-
3. Bible givim hope long iumi,
Comfort from God antap.
Wisdom insaed nao helpem man
Strong taem problem kamap.
Lovem Bible, tinghae long hem,
Readim gud evriday.
(CHORUS)
Man no laef long kaikai nomoa,
Hem nao Bible hem sei.
Herem toktok b’long God each day,
Kasem laef olowe.
(Lukim tu Josh. 1:8; Rome 15:4.)
