GOHED FOR LUKAOT!
Search for Hope lo 2024—Wat Nao Bible Sei?
Staka sei no eni solution for problems wea bae affectim pipol lo 2024. Nomata olsem, iumi savve garem hope. Hao nao iumi savve kasem datfala hope?
Bible givim hope
Bible promisim dat God bae stretem problems wea mekem laef blo iumi distaem for luk hopeles. Klosap nao, God “bae draem evri tias long eye bilong [iumi]. No eniwan bae dae and no enitaem bae pipol sorre or krae or feelim pain tu.”—Revelation 21:4.
Iu savve lanem olketa nara samting abaotem olketa promis lo Bible for future, readim article “A Real Hope for a Better Tomorrow.”
Hao Bible savve helpem iu distaem
Bible givim hope abaotem future wea savve helpem iu for cope witim negative tingting, and for garem positive tingting. (Rome 15:13) Bible garem wise advaes wea savve helpem iu tu for cope witim problems iu feisim distaem olsem for poor, injustice, and sik.
Lukim hao hope wea Bible storyim helpem wanfala man for garem peace, and for hapi nomata famili blo hem poor. Watchim video Juan Pablo Zermeño: Jehovah Givim Mi Laef wea Gud Tumas.
Lanem hao Bible savve helpem iu for cope witim guilty feeling, sorre tumas, wari, and loved wan dae. Readim article “Can I Find Words of Comfort in the Bible?”
Lukim wanfala former soldia storyim hem “violent and garem no kea attitude,” bat hope wea hem lanem lo Bible helpem hem for change. Watchim video I Put Down My Rifle.
Iu savve mekem 2024 wanfala gud year for iu and famili blo iu. Iu savve lanem olketa nara samting wea Bible storyim wea savve helpem iu. Traem free Bible study course witim instructor. Lanem hao God savve givim iu “peace” distaem, and tu “gudfala future and hope.”—Jeremiah 29:11.