Lo 2023, health experts luksavve olketa mas duim samting for helpem pipol wea lonely bikos diswan hem serious health problem. Wat nao olketa duim?

•   “Pipol wea lonely and stap seleva savve barava affectim health blo olketa and nating hapi,” hem nao wat Dr. Vivek Murthy, U.S. surgeon general talem. Bat hem sei tu: “Iumi savve duim samting for help.” Hao? “Evriday iumi savve duim smol samting for strongim frenship blo iumi witim nara pipol.” a

 Hem no pipol wea stap seleva nao save lonely. Samfala lonely nomata olketa stap witim staka pipol. Nomata wat nao reason blo olketa, Bible savve help. Hem storyim practical advaes for helpem pipol wea lonely for strongim frenship blo olketa witim nara pipol.

 Story gud witim pipol. Diswan includim wei for storyim feeling blo iu and for lisin gud lo narawan wea story. Taem iu showim iu barava interest lo pipol, iu bae garem strong frenship witim olketa.

•   Bible principle: “Evritaem tingim olketa narawan and no tingim iufala seleva nomoa.”—Philippi 2:4.

 Frens witim difren pipol. Mas willing for mek frens witim pipol wea older, younger, garem difren culture, and from nara kantri.

•   Bible principle: “Iufala mas lovem [olketa narawan].”—2 Corinth 6:13.

 Iu savve lanem nara information lo hao for garem strong frenship witim pipol, readim article “Satisfying Our Hunger for Friendship.”