Pipol discourage taem olketa wea olketa shud trustim fail for duim wat olketa talem. Staka stop for trustim . . .

•   politikol leaders wea duim wat hem benefitim olketa seleva nomoa, and no provaedem need blo pipol.

•   media outlets wea fail for reportim nius wea fair and accurate.

•   scientists wea no duim wat hem best for pipol.

•   religious leaders wea barava involve for sapotim politik, and no representim God.

 Hem stret for pipol careful lo hu nao olketa trustim. Bible talem warning hia:

•   “No trustim human leaders. No eni human being savve sevem iu.”—Psalm 146:3, Good News Translation.

  Bible storyim iu savve trustim Jesus Christ. Hem no just wanfala gud man wea laef staka century ago. God appointim Jesus for “King . . . , and Kingdom bilong hem bae no savve finis.” (Luke 1:32, 33) Jesus hem King lo Kingdom blo God, wanfala gavman wea rul from heven distaem.—Matthew 6:10.

•   For lanem why iu savve trustim Jesus, readim articles “Hu Nao King lo Kingdom blo God?” and “Wanem Nao Kingdom blo God Bae Duim?”