Jesus understandim taem iumi safa bikos lo crime and injustice. Pipol laea for accusim hem, assaultim hem, kotem hem wea no stret, sei hem commitim crime wea hem nating duim, and killim hem dae wea painful tumas. Nomata hem innocent, hem willing and hapi for sakrifaesim “laef bilong hem, wea datwan hem price for baem bak staka pipol.” (Matthew 20:28; John 15:13) Distaem, from hem King lo Kingdom blo God, klosap nao bae hem mekem evriwan lo full earth for kasem justice, and finisim crime for olowe.—Isaiah 42:3.

 Bible describem laef lo world afta Jesus duim datwan:

•   “Wicked pipol bae nomoa nao. Iu bae luk lo ples wea olketa stap, and bae olketa no stap lo there nao. Bat pipol wea hambol bae stap lo earth, and olketa bae hapi tumas bikos olketa bae barava stap lo peace.”—Psalm 37:10, 11.

 Hao nao iumi savve showim iumi appreciatim evriting Jesus duim finis, and no duim yet for iumi? Lo Luke 22:19, Jesus talem olketa follower blo hem for rememberim dae blo hem. Dastawe each year, lo anniversary lo dae blo hem, mifala Jehovah’s Witness meet tugeta. Mifala invaetem iu for joinim mifala lo Memorial lo dae blo Jesus lo Sunday, March 24, 2024.

Faendem Memorial