Taem Jesus lo earth, hem showim big love lo pipol gogo hem sakrifaesim laef blo hem for olketa. (Matthew 20:28; John 15:13) Klosap hem bae pruvim moa hem lovem pipol taem hem iusim paoa wea hem garem from hem King lo Kingdom blo God for “finisim olketa war lo evri ples lo earth.”—Psalm 46:9.

 Lukim hao Bible describim wat Jesus bae duim:

•   “Hem bae rescuem olketa wea poor, wea krae for help, witim tu olketa wea pipol ting daonem, and olketa wea no garem eniwan for helpem olketa. Hem bae feel sorre lo olketa wea pipol ting daonem and wea poor, and hem bae sevem laef blo olketa wea poor. Hem bae rescuem olketa from violence and wei for safa.”—Psalm 72:12-14.

 Hao nao iumi savve showim iumi appreciatim evriting wea Jesus duim finis, and bae klosap duim for iumi? Lo Luke 22:19, Jesus talem olketa follower blo hem for rememberim dae blo hem. Dastawe each year, lo anniversary lo dae blo hem, mifala Jehovah’s Witness meet tugeta. Mifala invaetim iu for joinim mifala for Memorial lo dae blo Jesus lo Sunday, March 24, 2024.

Faendem Memorial