Winim enitaem taem bifor, world military spending exceedim 2.24 trillion dollar (U.S.) lo 2022. Datwan hem bikos Russia invadim Ukraine. Stockholm International Peace Research Institute (SIPRI) releasem wanfala report lo April 2023. Datfala report sei during 2022:

•   European military spending “increase 13 percent during datfala year, wea hem biggest increase insaed wan year for spending blo full Europe since end blo cold war.”

•   “Russia…increasim spending blo hem for kasem estimated 9.2 percent wea datwan changem hem from fifth for go lo third biggest spender lo world.”

•   United States hem still main military spender bikos hem “39 percent lo world military spending.”

 Doctor Nan Tian, coauthor blo SIPRI report sei: “From world military expense continue for increase lo recent years, hem wanfala saen iumi stap lo world wea continue for nating sef.”

 Bible profesi hao distaem olketa most paoaful gavman bae continue increase lo conflict between each other and hem storyim only samting wea bae mekem tru peace.

•   Bible sei iumi stap lo “taem blo end.”—Daniel 8:19.

•   Bible buk Daniel profesi dat during taem hia, olketa world paoa bae compete. Olketa world paoa hia bae “gohed pushim each other,” wea minim olketa bae stragol witim each other for hu nao bae most paoaful. Lo datfala military stragol, olketa bae spendem barava staka “riches,” wea minim financial resource.—Daniel 11:40, 42, 43.

 Iu savve lanem moa samting abaotem disfala interesting Bible profesi lo video, Profesi wea Kamap Tru—Daniel Chapter 11.

•   Bible sei God bae changem evri gavman lo world. Hem “bae startim wanfala kingdom wea no enitaem bae hem distroe. And disfala kingdom bae no go lo hand blo eni nara pipol. Hem bae pisisim and finisim evri kingdom hia, and hemseleva nao bae rul for olowe.”—Daniel 2:44.

•   Klosap nao Jehovah a God bae duim wat pipol nating fit for duim. Hem bae mekem tru peace stap for olowe. Hao nao hem bae duim? Kingdom blo hem lo heven wea hem wanfala gavman bae distroem evri weapon and finisim evri violence.—Psalm 46:8, 9.

 Iu savve lanem moa samting abaotem wat Kingdom blo God bae duim lo article, “Kingdom Bilong God Bae Mekem Peace Kamap.”