Garem Plan for Readim Bible
Bible garem nambawan advaes for iumi followim. Sapos iu readim Bible evriday and ting raonem, then followim wanem iu lanem, bae iu “gohed gudfala.” (Josua 1:8; Sams 1:1-3) And tu, bae iu savve gud lo God and Jesus, Son blo hem, and datfala savve bae helpem iu for kasem laef olowe.—John 17:3.
Wanem nao gudfala plan for readim olketa buk blo Bible? Tu-thri wei stap for duim diswan. Disfala schedule for Bible reading bae helpem iu for readim Jenesis kasem Revelation, or for readim Bible followim subject. Olsem example, iu savve readim olketa sekson wea storyim history blo olketa Israelite, or wea storyim hao olketa Christian kongregeson kamap strong. Sapos iu followim schedule evriday, iu bae readim full Bible insaed wanfala year.
Disfala schedule savve helpem man wea laek for start readim Bible, or for man wea laek readim Bible evriday, or laek readim Bible insaed wan year. Daonlodim or printim disfala Bible Reading Schedule and start readim Bible blo iu tuday.
Iu Laek Lukim Nara Samting?
WASTAOA
Olketa Samting wea Savve Helpem Iu Taem Iu Readim Bible
Faevfala samting wea bae helpem iu taem iu readim Bible.
OLKETA KWESTIN WEA YOUNG PIPOL GAREM
Hao Nao Bible Savve Helpem Mi?—Part 1: Savve Gud lo Bible blo Iu
Sapos iu faendem wanfala big old box wea garem olketa expensive samting insaed, bae iu laek for faendaot wat nao insaed, iaman? Bible hem olsem datfala box. Hem garem staka expensive samting insaed.
