GOHED FOR LUKAOT!
Politikol Violence—Wat Nao Bible Sei?
Pipol evriwea lo world wari bikos staka difren type lo politikol violence happen.
Lo Mexico, 39 politikol candidate wea olketa killim dae hem winim enitaem bifor, and tu, olketa difren politikol violence mekem pipol seke tumas, and disturbim olketa from 2023-2024 election lo there.
Recently lo Europe, staka politikol violence happen, includim tu olketa trae for killim dae prime minister blo Slovakia lo May 15, 2024.
Pipol lo United States seke tumas from olketa trae for killim dae former president Donald Trump lo July 13, 2024.
Why nao politikol violence ova tumas? Hao, bae enitaem hem finis? Wat nao Bible sei?
Bible profesi hao politik mekem pipol divaed
Bible talem finis dat lo taem blo iumi, wea hem “olketa last day,” staka pipol bae garem attitude wea mekem olketa violent, and for disagree.
“Long olketa last day bae hem barava difren and bae evri samting hem hard tumas. Pipol bae . . . no savve tinghae, no faithful, . . . no willing for agree, . . . raf, . . . spoelem fren blo olketa, bighed, and praod tumas.”—2 Timothy 3:1-4.
Bible profesi tu dat olketa samting olsem pipol againstim gavman, protest, and raeot bae narawe distaem. (Luke 21:9) Bat, politikol violence and wei for divaed bae no gohed olowe.
Politikol violence bae finis
Bible explainim dat God bae changem evri gavman blo man witim gavman blo hem lo heven.
“God wea rul lo heven bae startim wanfala kingdom wea . . . bae pisisim and finisim evri [nara] kingdom, and hemseleva nao bae rul for olowe.”—Daniel 2:44.
Kingdom blo God barava mekem pipol for wan mind and for garem peace evriwea lo world.
Jesus Christ wea Ruler lo datfala Kingdom garem nem “Prince blo Peace,” and hem bae mek sure “peace, bae no savve end.”—Isaiah 9:6, 7.
Even distaem, pipol wea anda lo datfala rulership lanem hao for stap lo peace. Dastawe Bible sei: “Olketa bae hamarem sword blo olketa for kamap olketa hou and spia blo olketa for kamap olketa naef for pruning. Nation bae no iusim sword for againstim nara nation, no enitaem bae olketa lanem moa hao for faet.”—Isaiah 2:3, 4.
For moa information, readim article “What Will God’s Kingdom Accomplish?” and watchim video Wanem Nao Kingdom Bilong God?
Iu Laek Lukim Nara Samting?
WASTAOA
Wanem Nao Kingdom blo God Bae Duim?
Jesus savve Kingdom blo God nomoa gavman wea bae stretem olketa problem lo earth. Wanem nao Kingdom duim finis wea mekem iumi fit for trustim?
GOHED FOR LUKAOT!
Pipol No Trustim Politicians—Wat Nao Bible Sei?
Bible talem iumi for careful lo person wea iumi trustim, and storyim only solution wea iumi savve trustim for gud future.
GOHED FOR LUKAOT!
Why Nao Politik Divaedem Pipol?—Wat Nao Bible Talem Abaotem Datwan?
Politik divaedem pipol evriwea lo world. Bible storyim solution for datwan—wanfala leader wea savve mekem evri pipol for wan mind.
WASTAOA
Wat Kaen Leader Nao God Chusim?
SPECIAL CAMPAIGN
Traem Bible Course blo Mifala
Duim free Bible study course witim instructor wea bae helpem iu.
