Pipol laekem gavman leaders wea olketa savve trustim, and olketa discourage bikos lo politicians wea corrupt. Lo global survey wea olketa pablisim lo 2023, hem sei gavman leaders nao wanfala grup wea pipol no trustim olketa. a

 Bible describem gavman wea pipol barava trustim Leader blo hem bikos hem honest and no corrupt. Datfala gavman hem Kingdom blo God and Leader nao hem Jesus Christ.—Isaiah 9:7.

 Jesus pruvim finis dat hem barava kea for pipol. (Matthew 9:35, 36) From hem King lo Kingdom blo God, hem bae mekem justice and peace for evriwan wea acceptim leadership blo hem.—Psalm 72:12-14.