Catholic News Service mekem report abaotem wanfala ceremony wea olketa duim lo St. Peter’s Basilica lo March 25, 2022. Olketa sei taem Pope Francis standap front lo wanfala statue blo Mary lo datfala ceremony, “eye blo hem sat, hem daonem hed blo hem, and hem prea kwaet.” Hem “askem Mary for plis” mekem peace kamap. Wanfala report blo Vatican News sei tu “Pope talem wanfala prea wea olketa kolem Act of Consecration lo Immaculate Heart of Mary, for evri pipol lo world, and especially for olketa lo Russia and Ukraine.”

 Hao nao tingting blo iu? Waswe, hem stret for prea front lo olketa image, or for iusim olketa lo worship? Tingim olketa Bible verse hia:

•   “Iu mas no wakem eni idol or eni samting wea luk olsem eniting wea stap lo skae or lo earth or insaed lo wata. Iu mas no baodaon or worshipim olketa bikos mi, God blo iu Jehovah, mi laekem for iu mas worshipim mi nomoa.”—Exodus 20:4, 5. a

•   “Bat olketa god blong olketa hiden pipol ya, olketa pipol nomoa i wakem long silva an gol. Olketa god ya i garem maos, bat olketa nating save toktok. Olketa garem ae, bat olketa nating save lukluk. Olketa garem ia, bat olketa nating save herem enisamting. Olketa garem nous, bat olketa nating save smelem enisamting. Olketa garem han bat olketa nating save holem enisamting. Olketa garem lek, bat olketa nating save wakabaot. Ya, olketa no save mekem eni noes bikos olketa i no laef. Evriwan hu i mekem olketa kaving ya, an evriwan hu i trastem, letem olketa kamap olsem olketa kaving ya.”—Sams 115:4-8, SIPB.

•   “!Mi nao [Jehovah], an hem nao nem blong mi! An mi no save letem eni narafala god moa fo garem biknem olsem mi. Ya, bae mi nating letem olketa pipol fo preisim eni kaving god.”—Aesaea 42:8, SIPB.

•   “Ranawe from wei for worshipim idol.”—1 Corinth 10:14.

•   “Iufala mas stap klia long olketa idol.”—1 John 5:21.

 Sapos iu laekem moa information lo wanem Bible talem abaotem wei for iusim olketa image lo worship, readim disfala English article “The Bible’s Viewpoint—Images” or watchim disfala video Waswe, God Acceptim Wei for Iusim Image lo Worship?

 Maet iu interest tu lo wanem Bible talem abaotem olketa topic hia:

•   “The Virgin Mary—What Does the Bible Say About Her?”

•   “Should You Pray to the Virgin Mary?”

•   “Miracles and Apparitions—Signs From God?”

•   “Peace lo Earth—Hao Nao Bae Iumi Kasem?”

Photo credit: Vincenzo Pinto/AFP via Getty Images