Chapter 13

Learn From Olketa Test Bilong Jesus

STRET AWE bihaen hem baptaes, spirit bilong God leadim Jesus go long wilderness bilong Judea. Hem need for ting abaotem planti samting, bikos taem hem baptaes “heven hem open,” mekem hem savvy meanim olketa samting from heven. Tru nao, hem need for ting raonem planti samting!

Jesus stap long wilderness for 40 day and 40 naet and hem no kaikaim any samting long datfela taem. Then, taem Jesus hem hangre for gud, Devil kam long hem for testim hem, and say: “Sapos iu wanfela son bilong God, talem olketa stone hia for kamap bred.” But Jesus savvy hem rong for iusim paoa wea hem garem for duim mirakol for samting wea hemseleva wantim. So hem no duim samting wea Satan talem.

But Devil hem no givap. Hem traem narafela way. Hem challenge-im Jesus for jump daon from wall bilong temple mekem olketa angel bilong God bae sevem hem. But Jesus no want for duim diswan. Hem talem toktok from olketa Scripture taem hem say hem rong for testim God long diskaen way.

Long mek-three test, Devil iusim wanfela mirakol for showim Jesus evri kingdom bilong world and say: “Evri samting hia bae mi givim long iu sapos iu fall daon and duim wanfela samting for worshipim mi.” But distaem tu Jesus no want for duim rong samting, and hem choose for stap faithful long God.

Iumi savvy learnim samting from olketa test hia bilong Jesus. For example, they showim aot hao Devil hem no just badfela fasin, olsem samfela pipol talem, but hem wanfela really person wea iumi no savvy lukim. Test bilong Jesus showim aot tu hao olketa gavman bilong world they bilong Devil. From hao nao way wea Devil offerim them long Jesus hem wanfela really test sapos olketa gavman hia they no bilong Devil?

And tingim diswan: Devil say hem willing for givim reward long Jesus sapos hem duim wanfela samting for worshipim hem, and datfela reward hem evri kingdom bilong world. Devil maet testim iumi long sem kaen way tu, maet hem putim front long iumi olketa chance wea luk nice tumas for kasem richfela samting bilong world, paoa, or position. But hem wise for followim example bilong Jesus for stap faithful long God nomata wanem kaen test iumi kasem! Matthew 3:16; 4:​1-11; Mark 1:​12, 13; Luke 4:​1-13.

▪ Wanem nao olketa samting wea Jesus maet ting raonem taem hem stap long wilderness for 40 day?

▪ Hao nao Devil trae for testim Jesus?

▪ Wanem nao iumi savvy learnim from olketa test bilong Jesus?