“Bae pipol long wanfala ples faetem pipol long nara ples and pipol long wanfala kantri faetem pipol long nara kantri . . . Evri samting hia hem start bilong olketa hard taem wea mekem pipol wari tumas.”

Matthew 24:7, 8

“Olketa laea profet bae stap and staka pipol bae bilivim olketa, and from plande pipol duim olketa samting wea no stret, love bilong staka bae no strong nao olsem bifor.”

Matthew 24:11, 12

“No fraet taem iufala herem olketa war wea gohed klosap long ples wea iufala stap and herem nius abaotem war long olketa nara ples. Olketa samting hia mas happen firstaem, bat datwan no minim world bae finis long datfala taem.”

Mark 13:7

“Olketa bigfala earthquake bae sekem staka ples, and olketa barava nogud sik and olketa taem bilong bigfala hangre bae kasem plande pipol. Pipol bae lukim tu olketa samting wea mekem olketa barava fraet and olketa saen bae showaot long skae.”

Luke 21:11

 “Long olketa last day bae hem barava difren and bae evri samting hem hard tumas. Pipol bae tingim olketa seleva nomoa, laekem tumas selen, tok praod, mekhae long olketa seleva, tok spoelem God and man, and no obeyim dadi and mami. Olketa bae no savve tinghae, bae no faithful, no garem love insaed long famili, and no willing for agree. Olketa bae laea for spoelem narawan, no savve kontrolem seleva, raf, and no laekem gud samting. Olketa bae spoelem fren bilong olketa, bighed, and praod tumas. Olketa bae no lovem God, bat bae interest nomoa for enjoyim seleva. Hem bae luk olsem olketa worshipim God bat samting wea olketa duim showimaot olketa nating worshipim hem nomoa.”

2 Timothy 3:1-5