“Olketa wea raeteous bae stap long earth, and olketa bae stap for olowe.”

Psalm 37:29

“Earth bae stap for olowe.”

Ecclesiastes 1:4

“Hem bae finisim dae for olowe, and Jehovah, wea hem Lord bilong evri samting, bae draem tias long eye bilong evriwan.”

Isaiah 25:8

“Long datfala taem olketa wea blind bae lukluk, and olketa wea earpas bae herehere. Long datfala taem man wea kripol bae jampjamp olsem wanfala deer, and man wea no savve toktok bae hapi and singaot big. Olketa springwata bae staka long wilderness, and long ples wea drae, olketa river bae ran.”

Isaiah 35:5, 6

“Hem bae draem evri tias long eye bilong olketa. No eniwan bae dae and no enitaem bae pipol sorre or krae or feelim pain tu. Olketa samting wea happen bifor hem nomoa nao.”

Revelation 21:4

 “Olketa bae wakem olketa haos for olketa seleva. Olketa bae plantim olketa grape planteison and kaikaim frut bilong olketa. Olketa bae no wakem haos for narawan nao stap insaed and bae no plantim grape for narawan nao kaikaim. Pipol bilong mi bae laef longtaem olsem wanfala tree, and olketa bae barava kasem gud samting from wanem olketa hard waka long hem.”

Isaiah 65:21, 22