“God, wea iu nao man wea savve herem prea, evri difren kaen pipol bae kam long iu.”

Psalm 65:2

“Trustim Jehovah long full heart bilong iu and no depend long savve bilong iuseleva. Tingim hem long evri samting wea iu duim, and hem nao bae showim iu stretfala wei for iu followim.”

Proverbs 3:5, 6

“For olketa kasem laef olowe, olketa mas lane abaotem iu, wea iu nomoa trufala God, and lane abaotem Jesus Christ, wea iu sendem kam.”

John 17:3

“Hem no hard nomoa for savve long [God].”

Acts 17:27

“Mi prea evritaem for love bilong iufala gohed kamap big and for iufala garem stretfala savve and gudfala tingting.”

Philippi 1:9

 “Sapos eniwan long iufala hem needim wisdom, hem mas gohed askem God and bae hem kasem datwan, bikos God hem kaen tumas for givim samting long evriwan and bae hem no kros long man wea askem hem.”

James 1:5

“Fren gud witim God and bae hem fren gud witim iufala. Iufala wea sin mas wasim hand bilong iufala, and iufala wea no strong for disaedem samting mas klinim heart bilong iufala.”

James 4:8

“Samting wea showimaot iumi lovem God, hem taem iumi obeyim olketa law bilong hem, and olketa law bilong hem no hard tumas for obeyim.”

1 John 5:3