“Putim evri hevi bilong iu long hand bilong Jehovah and hem bae strongim iu. Hem bae nating letem gudfala man for seksek.”

Psalm 55:22

“Olketa plan bilong man wea waka hard and wea tingting gud firstaem bae win, bat evriwan wea kwiktaem for duim samting and wea no tingting gud firstaem, gogo bae olketa poor.”

Proverbs 21:5

“No fraet, bikos mi stap witim iu. No wari, bikos mi God bilong iu. Mi bae strongim iu and helpem iu. Mi bae barava sapotim iu witim raet hand bilong mi. Mi evritaem duim stret samting.”

Isaiah 41:10

“Hao, wei for wari savve mekem eniwan long iufala savve addim go maet wanfala minute moa long laef bilong hem?”

Matthew 6:27

“So no warim samting wea bae happen tumoro, leavim go datwan for tumoro nao, bikos evri day bae olketa problem kamap. Tingim nomoa olketa problem wea iufala kasem tuday.”

Matthew 6:34

 “Luksavve long olketa samting wea barava important.”

Philippi 1:10

“No wari abaotem eni samting bat long eni samting wea iufala needim, askem God for datwan long wei for prea long hem witim wei for barava askem help bilong hem and for talem thankiu tu. Taem iufala duim olsem, peace bilong God wea winim nao wanem man savve minim bae gaedem heart and tingting bilong iufala bikos long Christ Jesus.”

Philippi 4:6, 7